José Luis Comellas

Historiador galego

José Luis Comellas García-Llera, nado en Ferrol o 16 de outubro de 1928[1] e finado en Sevilla o 23 de abril de 2021,[2] foi un historiador e astrónomo galego.

Infotaula de personaJosé Luis Comellas

Editar o valor em Wikidata
Biografía
Nacemento16 de outubro de 1928 Editar o valor em Wikidata
Ferrol, España Editar o valor em Wikidata
Morte23 de abril de 2021 Editar o valor em Wikidata (92 anos)
Sevilla, España Editar o valor em Wikidata
Datos persoais
País de nacionalidadeEspaña Editar o valor em Wikidata
EducaciónUniversidade de Santiago de Compostela
Universidade de Madrid Editar o valor em Wikidata
Actividade
Campo de traballoHistoria Editar o valor em Wikidata
Ocupaciónhistoriador , profesor universitario Editar o valor em Wikidata
EmpregadorUniversidade de Sevilla
Universidade de Santiago de Compostela Editar o valor em Wikidata
Membro de
LinguaLingua castelá Editar o valor em Wikidata
Obra
DoutorandoAntonio García-Baquero González (en) Traducir Editar o valor em Wikidata

Dialnet: 529340

Traxectoria editar

Neto do escritor Manuel Comellas, o seu pai era químico en Carburos Metálicos e profesor de bacharelato en Cee[3]. Iniciou os estudos de bacharelato en 1940 no colexio Fundación Fernando Blanco desta vila, onde ensinaba seu pai, e continuounos en 1942 no colexio Tirso de Molina[4], xa en Ferrol. Licenciouse en 1951 en Filosofía e Letras na Universidade de Santiago de Compostela, e obtivo o premio extraordinario de fin de carreira e o premio Ourtvanhoff[5][Cómpre referencia] o mellor estudante da universidade.

Cursou o doutoramento na Universidade Complutense de Madrid, e rematouno cunha tese sobre os primeiros pronunciamentos en España, en 1953, dirixida por Federico Suárez Verdeguer, e que ao ano seguinte se publicaría como libro, e que sería o primeiro de moitos: Los primeros pronunciamientos en España. Con este título gañou ó ano seguinte o Premio Nacional Menéndez Pelayo.[6] En 1954 obtivo a cátedra de historia da Universidade de Sevilla, universidade na que exercería a docencia ata a súa xubilación, se ben ocasionalmente exerceu a docencia noutras universidades (Santiago 1953-1956, Navarra na década dos sesenta e Tucumán).

En 1963, gañou por oposición á cátedra de Historia de España Moderna e Contemporánea da universidade de Sevilla, pola que competiu con Antonio Domínguez Ortiz. [4]

O interese historiográfico de Comellas centrouse no século XIX, sobre todo na figura da raíña Sabela II, Cánovas del Castillo, a Década moderada e o Trienio liberal, así como acerca dos imperios coloniais e sobre a música. En 1967 publicou Historia de España moderna e contemporánea, que durante un tempo foi unha obra popular e da que se fixeron múltiplas reedicións. Foi director da Revista de Historia Contemporánea que editou a universidade de Sevilla entre 1982 e o 2000.

En 1993, foi nomeado académico de número da Real Academia Sevillana de Buenas Letras​ e da que foi vicedirector de 1999 a 2005.[7] En 1995, foi nomeado membro correspondente por Sevilla da Real Academia da Historia.​

Desde o ano 2000 e ata o final da súa vida foi profesor emérito da universidade de Sevilla, e seguiu escribindo libros sobre historia, astronomía e música.

Astronomía editar

Ademais da súa obra historiográfica, Comellas foi divulgador de astronomía, e publicou numerosas obras sobre este eido, entre elas un catálogo sobre estrelas dobres, a primeira edición en español do Catálogo Messier e unha popular Guía del firmamento da que se realizaon sete edicións.[2] A Comellas atribúeselle ademais o descubrimento de 20 estrelas dobres.[2]

Mencións honoríficas editar

Obras editar

Historia de España editar

Historia da ciencia editar

Historia da música editar

Astronomía editar

Notas editar

  1. Redacción (16 de outubro de 2013). "José Luis Comellas García-Llera. Un historiador amante de la astrología". galiciaartabradigital.com (en castelán). Consultado o 27 de baril de 2021. 
  2. 2,0 2,1 2,2 2,3 EFE (23 de abril de 2021). "Muere a los 93 años José Luis Comellas, un referente para los astrónomos". elmundo.es (en castelán). Consultado o 27 de abril de 2021. 
  3. Areas, Darío (2021-05-01). "José Luis Comellas: unha paixón polo universo que naceu na súa infancia en Cee". La Voz de Galicia (en castelán). Consultado o 2021-05-01. 
  4. 4,0 4,1 Álvarez, Jesús (23 de abril de 2021). "Muere en Sevilla a los 93 años el astrónomo e historiador José Luis Comellas" (en castelán). Consultado o 23 de abril de 2021. 
  5. A única referencia á existencia de semellante premio son de menciones biográficas de Comellas. Quizais o nome do premio estea mal, ou non fose un premio relevante.
  6. Siro (26 de abril de 2021). "Un sabio ferrolán". lavozdegalicia.es. Consultado o 27 de abril de 2021. 
  7. "Comellas García Llera, José Luis". academiasevillanadebuenasletras.org (en castelán). Arquivado dende o orixinal o 27 de abril de 2021. Consultado o 27 de abril de 2021. 
  8. "Calle Astrónomo Jose Luís Comellas". Calle Astrónomo Jose Luís Comellas. Consultado o 2021-04-23. 

Véxase tamén editar