José Luis Carro Fernández-Valmayor

xurista e profesor galego

José Luis Carro Fernández-Valmayor, nado en Madrid o 9 de outubro de 1942, é un xurista e profesor galego. Catedrático da Universidade de Santiago de Compostela e Profesor Emérito do Departamento de Dereito Público e Teoría do Estado, área de Dereito Administrativo

José Luis Carro Fernández-Valmayor
Nacemento9 de outubro de 1942
Lugar de nacementoMadrid
NacionalidadeEspaña
Alma máterUniversidade de Santiago de Compostela
Ocupaciónxurista e profesor universitario
Na rede
Dialnet: 59298
editar datos en Wikidata ]

Traxectoria editar

De familia coruñesa, aínda que nado en Madrid, estuda Dereito na Universidade de Santiago de Compostela, continuando estudos xurídicos tamén nas facultades de Dereito de Tolosa, Heidelberg e Boloña. Doutorouse en Dereito pola Universidade de Boloña co premio Vittorio Emanuele II á mellor tese doutoral da devandita Universidade, e foi investigador da Fundación alemá Alexander von Humboldt no Max-Planck-Institut de Dereito Público Comparado e Dereito Internacional.

É membro de numerosas sociedades xurídicas (entre elas da Real Academia Galega de xurisprudencia e Lexislación[1]; da Societas Iuris Publici Europaei de Göttingen, en Alemaña; da Asociación italo-española de Profesores de Dereito Administrativo; da Asociación Española de Profesores de Derecho Administrativo (AEPDA); do Consello de Catedráticos do Instituto Internacional de Estudos de Direito do Estado (Brasil); Presidente do Comité Científico do Observatorio Internacional da Regulación das Entidades do Sector Público (OIRESP); etc.). Así mesmo é membro dos consellos de redacción de numerosas revistas do ámbito xurídico (Revista de Estudios de la Administración Local, Revista de Administración Pública, Revista General de Derecho Administrativo, Anuario de Gobierno Local, Cuadernos de Derecho Local, Direito Regional e Local da Universidade do Minho etc.).

Foi avaliador externo da Agencia Nacional de Evaluación y Prospectiva, da Agence Nationale de la Recherche de Francia e da Revista Diritto e Processo Amministrativo de Italia, así como de revistas españolas da súa área científica. Foi vogal do Comité Asesor do campo científico “Derecho” da Comisión Nacional Evaluadora de la Actividad Investigadora, así como membro de xurados avaliadores de premios de investigación e de comités organizadores de encontros e congresos científicos.

Recoñecementos editar

Entre outros galardóns e recoñecementos foi distinguido coa Cruz de Honor da Orde de San Raimundo de Peñafort.

Notas editar

Véxase tamén editar

Ligazóns externas editar