José López López

José López López, coñecido como Zapateiro de Pacios, nado en Paradela cara a 1893 e finado en Lugo o 29 de xullo de 1937, foi un zapateiro e político galego.

José López López
editar datos en Wikidata ]

Traxectoria editar

Zapateiro. Militante de Izquierda Republicana, foi secretario do comité de Izquierda Republicana de Paradela. Logo do golpe de Estado do 18 de xullo de 1936 foi detido pola Garda Civil de Portomarín o 20 de xullo, con outros compañeiros, cando ceaban nunha taberna ao seu regreso de Lugo e Sarria. Foron trasladados ao cárcere de Sarria.

Xulgados en Lugo en consello de guerra, foron acusados de rebelión militar por requisar armas o 18 e 19 de xullo, e desprazarse a Lugo o 20 para defender o Goberno Civil e incendiar da reitoral de Castro. José foi condenado a pena de morte e fusilado en Lugo o 29 de xullo de 1937.[1] Xunto con Daniel Pérez López, José Ramón Dosio López, Marcelino López López, Avelino Rodríguez López e Juan Abella Armesto foron condenados polo Tribunal de Responsabilidades Políticas en 1940 ao pago de 50.000 pesetas en concepto de responsabilidade civil.[2]

Notas editar

  1. El Pueblo Gallego, 30-7-1937, p. 8.
  2. BOE, 9-4-1940, p. 1792.

Véxase tamén editar

Ligazóns externas editar