José García García
José García García, nado en Silleda o 13 de febreiro de 1922 e finado na mesma vila o 28 de outubro de 2007, foi un político galego.
| Biografía | |
|---|---|
| Nacemento | 13 de febreiro de 1922  Silleda, España |
| Morte | 28 de outubro de 2007 (85 anos) Silleda, España |
 Senador de España | |
| 15 de xuño de 1977 – 31 de agosto de 1982 Circunscrición electoral: Pontevedra | |
| Actividade | |
| Ocupación | político |
Traxectoria
editarEstudou o bacharelato no Instituto da Estrada. Foi delegado da Organización Juvenil Española (1943-1947) e secretario do Sindicato Vertical de Silleda (1946-1951). Funcionario do concello de Silleda, foi secretario da Junta Municipal do Movimiento (1951-1976). Formou parte dos grupos directivos de Acción Católica e de Cáritas Diocesana. A partir de 1946 promoveu o cooperativismo agrario, sendo presidente de dúas cooperativas provinciais e de UTECO-Pontevedra. Promoveu a Asociación Agraria Provincial (GAP) da que foi vicepresidente, federada na Rexional e Nacional UFADE.
Na Transición foi elixido membro do Comité Executivo do Partido Gallego Independiente no seu primeiro Congreso Federal constituínte en febreiro de 1977. O PGI integrouse na UCD e foi elixido senador pola provincia de Pontevedra nas eleccións de 1977. Nas eleccións de 1979 volveu ser elixido para o Senado tamén pola UCD. En 1984 integróuse en Coalición Galega.[1] Finou en Silleda o 28 de outubro de 2007.[2]
Vida persoal
editarCasou con Lidia Otero Alonso e tivo nove fillos.
Notas
editar- ↑ La Voz de Galicia, 26-2-1984, p. 16.
- ↑ "Adiós al silledense que fue senador en dos mandatos" La Voz de Galicia, 30/10/2007 (en castelán).