José Bouchet
José Bouchet Blanco, nado en Xanza, Valga, o 19 de marzo[2] ou 19 de abril[3][4] de 1848[5][6] ou 1852[2][3][4][7] (segundo as fontes) e finado en Buenos Aires o 6 de marzo[2][3] ou 16 de marzo[5] ou 6 de abril[4] de 1919, foi un pintor galego.
José Bouchet Blanco | |
---|---|
Fotografía de José Bouchet en "Historia Argentina", de Diego Abad de Santillán.[1] | |
Nome | José Bouchet Blanco |
Nacemento | 1848 |
Xanza | |
Falecemento | 1919 |
Buenos Aires | |
Nacionalidade | española e arxentina |
Influenciado por | Juan Manuel Blanes Antonio Ciseri |
[ editar datos en Wikidata ] |
Traxectoria editar
Fillo dunha galega e un francés que caera prisioneiro na Batalla de Ponte Sampaio (1809), José emigrou cos pais á Arxentina sendo neno e alí foi discípulo do uruguaio Juan Manuel Blanes.[5]
En 1875 nacionalizouse arxentino, para optar a unha bolsa do goberno, que lle permitiu estudar en Florencia, Italia, con Antonio Ciseri. Viaxou a Francia, España, Cuba, México, Porto Rico, Estados Unidos de América e Chile. De volta na Arxentina, foi membro da sociedade de artistas La colmena e do Centro Gallego de Buenos Aires. Moitas das súas obras apareceron publicadas en varias edicións do Almanaque Gallego, dende o ano 1897[8] ata 1917.
Entre as súas obras destacan: La llegada de las caravelas a San Salvador, Tropas en el Chaco, La primera misa-fundación de Buenos Aires por D. Juan de Garay, El ejército de los Andes saliendo del Plumerillo, El fusilamiento de Liniers, La batalla de Salta, Un gaucho, Un amateur e varios retratos, como o do xeneral Belgrano, Juárez Celman, Capdevilla, a señora Lavalle, Campos, Uriquiza e, especialmente, o de Rosalía Castro de Murguía, feito para os actos que se celebraron na súa honra en Buenos Aires en 1897.[2]
Teñen pinturas de Bouchet, entre outras institucións, a Deputación da Coruña, o Museo Histórico Nacional da Arxentina, o Museo Nacional de Bellas Artes da Argentina ou o Museo Municipal de Bellas Artes Juan B. Castagnino de Rosario, e tamén diversas coleccións privadas.
Galería de imaxes editar
Notas editar
- ↑ Abad de Santillán, Diego (1971). Historia Argentina. Buenos Aires: TEA, Tipográfica Editora Argentina.
- ↑ 2,0 2,1 2,2 2,3 "Bouchet Blanco, José". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- ↑ 3,0 3,1 3,2 "Bouchet Blanco, Xosé". Enciclopedia Galega Universal 3. Ir Indo. 1999-2002. p. 489. ISBN 84-7680-288-9.
- ↑ 4,0 4,1 4,2 "Bouchet Blanco, Xosé". Dicionario biográfico de Galicia 1. Ir Indo Edicións. 2010-2011. p. 129.
- ↑ 5,0 5,1 5,2 Fernández García, Ana María (1997). Arte y emigración: la pintura española en Buenos Aires, 1880-1930. Universidad de Oviedo. p. 230-231. ISBN 84-7468-929-5.
- ↑ 6,0 6,1 Museo Nacional de Bellas Artes da Argentina
- ↑ "Bouchet Blanco, Xosé". Diccionario enciclopédico galego universal 10. La Voz de Galicia. 2003-2004. p. 60. ISBN 84-7680-429-6.
- ↑ Almanaque Gallego para 1898
- ↑ Á Rosalía Castro, en el duodécimo aniversario de su muerte, los gallegos residentes en la República Argentina, 1897.
Véxase tamén editar
Wikimedia Commons ten máis contidos multimedia na categoría: José Bouchet |
Bibliografía editar
- Couselo Bouzas, José (1950). La pintura gallega. A Coruña: Porto y Cía. Editores.