José Antonio Souto Paz

José Antonio Souto Paz, nado en Pontevedra o 9 de outubro de 1938 e finado en Madrid o 8 de setembro de 2017, foi un xurista e político galego.

José Antonio Souto Paz

Biografía
Nacemento	9 de outubro de 1938 Pontevedra, España
Morte	8 de setembro de 2017 (78 anos) Madrid, España
Deputado no Congreso dos Deputados
13 de novembro de 1989 – 29 de xuño de 1993 Lexislatura: IV lexislatura de España Circunscrición electoral: Circunscrición electoral da Coruña Electo en: Eleccións Xerais 1989 en España
Alcalde de Santiago de Compostela
1979 – 1981 (dimisión) ← Antonio Castro – Marcial Castro Guerra →
Datos persoais
Educación	Universidade de Santiago de Compostela Universidade de Navarra Pontificia Universidade de San Tomé de Aquino Universidade Complutense de Madrid
Actividade
Campo de traballo	Dereito e ecclesiastical law (en)
Lugar de traballo	Madrid
Ocupación	político, profesor universitario, xurista, escritor
Empregador	Universidad Nacional de Educación a Distancia Universidade de Santiago de Compostela Universidade de Navarra Universidade Complutense de Madrid
Partido político	Unión de Centro Democrático Centro Democrático y Social

Traxectoria

Catedrático de Dereito Canónico da Universidade de Santiago de Compostela, doutorouse nas Universidades de Navarra e Roma. Entre 1973 e 1975 dirixiu o Centro Rexional de Galicia da Universidade Nacional de Educación a Distancia. Entre 1975 e 1979 foi decano da Facultade de Dereito da USC. Foi profesor do Instituto de Derechos Humanos da Universidade Complutense de Madrid, e desde 1982 da UNED.

Acadou a alcaldía de Santiago de Compostela logo de presentarse ás eleccións municipais de 1979 nas listas da UCD e presidente da Asemblea de Alcaldes de Galicia (1979). Mantívose na alcaldía ata a súa renuncia en setembro de 1981. Foi vocal nunha Comisión do Consello de Europa (1979-81), director do departamento de asesoría xurídica do CDS, asesor de educación e cultura do Defensor do Pobo (1986-88) e membro da xunta de goberno do Colegio de Abogados de Madrid (1988-89). Nas eleccións xerais de 1989 foi elixido deputado pola provincia da Coruña nas listas do CDS.

Como investigador e catedrático, fixo achegas nos eidos do Dereito Canónico e Administrativo, Teoría da Organización e Dereito Matrimonial, amais de dirixir varias teses.

Obra

• La noción canónica de oficio (1971)
• El proyecto de Ley Fundamental de la Iglesia (1971)
• Derecho Canónico (1973, con outros autores)
• Notas para una interpretación actual del Derecho Canónico (1973)
• Derecho Canónico (1974, con outros autores)
• Corso di Diritto Canonico (1975, con outros autores)
• La norma canónica (1979, dous volumes, en colaboración con outros autores)
• Derecho Canónico I. Derecho Canónico y Derecho Eclesiático del Estado (1983)
• Derecho Canónico II. Derecho Matrimonial (1984)

Véxase tamén

Outros artigos

• Eleccións municipais en Santiago de Compostela