José Antonio Parga Sanjurjo
José Antonio Parga Sanjurjo, nado en Piantón (A Veiga, Asturias) o 11 de febreiro de 1841 e finado en Viveiro o 12 de setembro de 1917, foi un avogado, xuíz e escritor galego.
| Biografía | |
|---|---|
| Nacemento | 11 de febreiro de 1841  Piantón, España |
| Morte | 12 de setembro de 1917 (76 anos) Viveiro, España |
| Datos persoais | |
| País de nacionalidade | España |
| Actividade | |
| Ocupación | avogado , xuíz , escritor |
| Membro de | |
| Lingua | Lingua castelá |
Traxectoria editar
Fillo de José Raimundo Parga Mosquera e Dolores Sanjurjo Lamas. De novo viviu e fixo os primeiros estudos en Viveiro. Foi fiscal do xulgado de primeira instancia de Mondoñedo, maxistrado na Audiencia de Pontevedra e fiscal en Ourense, Palencia, Lugo e Madrid.
Foi membro activo da Real Sociedade Económica de Amigos do País de Santiago e como tal, en 1884, propuxo que Manuel Murguía fose nomeado cronista de Galicia, con remuneración económica, para así poder rematar a súa Historia de Galicia, a cal ficara interrompida e só se publicaran os dous primeiros tomos en 1865 e 1866. Após as xestións realizadas pola Económica, finalmente Murguía editou dous novos volumes en 1888 e 1891 como «cronista xeral do Reino».[1]
Escribiu biografías e artigos históricos no Boletín de la Real Academia Gallega e Galicia, revista en que iniciou a publicación da novela La cueva de la doncella (1887-1889). Ingresou na Real Academia Galega o 28 de setembro de 1907, coa lectura do discurso El renacimiento de la literatura regional, respondido por Manuel Murguía[2].
Obras editar
- Juício crítico del informe sobre crédito agrícola que emitió la Sociedad Económica de Amigos del Pais de Santiago[Ligazón morta], 1885.
- La cueva de la doncella, editada en 2012 (ISBN 978-84-615-9800-7).
Vida persoal editar
Casou con Dolores Acevedo Caballero.
Notas editar
- ↑ Álvarez Ruiz de Ojeda, Victoria (2000). "Manuel Murguía e a Sociedade Económica de Amigos do País de Santiago" (PDF). Grial (Galaxia). XXXVIII (147): 399–429, en 413 e ss. ISSN 0017-4181.
- ↑ Parga Sanjurjo, J. A. (2015). El renacimiento de la literatura regional. A Coruña: Real Academia Galega.
Véxase tamén editar
Ligazóns externas editar
- Artigos no Boletín de la Real Academia Gallega Arquivado 11 de abril de 2018 en Wayback Machine.
- Artigos na hemeroteca virtual da RAG