José Durán Rivas
José Antonio Durán Rivas, nado o 29 de xuño de 1974 en Lugo é un adestrador de fútbol galego, que dende 2023 dirixe o Bergantiños.
| José Durán | |||
|---|---|---|---|
| Información persoal | |||
| Nome | José Antonio Durán Rivas | ||
| Nacemento | 29 de xuño de 1974 (49 anos) | ||
| Lugar de nacemento | Lugo | ||
| Adestrador | |||
| Anos | Equipos | ||
| 2004 | CD Lugo | ||
| 2005-2006 | CD Foz | ||
| 2007-2008 | Viveiro CF | ||
| 2008–2009 | CD Foz | ||
| 2016 | CD Lugo | ||
| 2016–2020 | CD Lugo B | ||
| 2021 | K. Rupel Boom F.C. | ||
| 2023– | Bergantiños | ||
| [ editar datos en Wikidata ] | |||
Traxectoria editar
Debutou coma adestrador de fútbol facéndose cargo do primeiro equipo do CD Lugo mediada a tempada 2003-04 na Terceira División Española, en substitución de Quique Prado. Comezada a tempada seguinte fíxose cargo do CD Foz para tentar salvalo do descenso, obxectivo que non acadou e deixou o club a final de tempada.[1][2] Pouco despois fichou polo Viveiro CF de onde saíu ao acabar o curso tras desencontros coa directiva. En 2008 fichou outra vez polo CD Foz,[3] onde permaneceu até o final da temporada. Posteriormente exerce o cargo de adestrador nas categorías inferiores do Club Deportivo Lugo, até que en febreiro de 2016 se fixo cargo do primeiro equipo tras a renuncia de Luis Milla. A pesar de perder o seu primeiro partido como adestrador en Segunda División, tras conseguir unha xeira de tres vitorias e un empate recibiu o premio ao mellor adestrador da Liga Adelante do mes de marzo.[4] A final de temporada, tras conseguir a salvación do club, deixa o banco para volver formar parte do organigrama deportivo do Lugo.
Entre 2016 e 2020 adestrou o Polvorín, antes de marchar a Bélxica para dirixir o K. Rupel Boom F.C. da Nationale 1, primeira división afeccionada da liga belga.[5]
Notas editar
- ↑ "José Durán rechaza seguir como técnico del C.D. Foz en Primera Regional". Arquivado dende o orixinal o 14 de marzo de 2016. Consultado o 09 de maio de 2015.
- ↑ "El lucense José Durán, ex del Lugo, es el nuevo entrenador del C.D. Foz". Arquivado dende o orixinal o 12/03/2016. Consultado o 09/05/2015.
- ↑ El lucense José Durán toma el mando de la plantilla del Foz
- ↑ Galardón para o Lugo de Durán
- ↑ "José Durán dirigirá al Rupel Boom belga". El Progreso. 17 de outubro de 2021.