José Altabella

José Altabella Hernández, nado en Caspe o 7 de marzo de 1921 e finado en Madrid o 28 de decembro de 1995, foi un xornalista e profesor español.

José Altabella

Biografía
Nacemento	7 de marzo de 1921 Caspe, España
Morte	28 de decembro de 1995 (74 anos) Madrid, España
Datos persoais
País de nacionalidade	España
Actividade
Ocupación	xornalista , profesor universitario
Lingua	Lingua castelá
Obra
Doutorando	Mirta Núñez (pt)

Traxectoria

Foi bolseiro do Centro de Estudios Históricos, sección de Bibliografía (1935-1936). Despois foi bolseiro da Hemeroteca Municipal de Madrid (1947-1951), correspondente de L´Écho de la Presse et de la Publicité, colaborador de Gaceta de la Prensa Española (1942-72); Mundo Estudios de Información; Comunicación XXI, e AEDE, e xefe de sección de ABC de Madrid dende 1967.

Profesor da Escola Oficial de Xornalismo (1951-1975) e da Escola de Xornalismo da Igrexa (1966-1974). Cursou a carreira de Ciencias da Información, licenciándose en 1976 coa primeira promoción e foi nomeado profesor desa Facultade da Universidade Complutense, sendo o primeiro catedrático de Historia do Xornalismo Español. Finou en Madrid o 28 de decembro de 1995.

Obras

É autor de numerosos libros sobre historia do xornalismo. Ocupouse da prensa galega, sobre a que publicou os artigos:

• "El periodismo lucense hasta nuestros días", 11/8/1958, El Progreso.
• "Notas para una historia de la prensa en Orense", 1960.
• "Síntesis histórica del periodismo vigués", 1960-61.
• "Faro de Vigo y su proyección histórica", 1965. Con Francisco Leal Insua

Véxase tamén

Ligazóns externas

• Biografía Arquivado 13 de setembro de 2016 en Wayback Machine. na Enciclopedia Aragonesa