José Alonso Lara
José Alonso Lara, nado en Sevilla o 7 de marzo de 2000, é un futbolista español. Xoga de centrocampista no Alcoyano, da Primeira División RFEF.
| José Lara | |||
|---|---|---|---|
| Información persoal | |||
| Nome | José Alonso Lara | ||
| Nacemento | 7 de marzo de 2000 (24 anos) | ||
| Lugar de nacemento | Sevilla | ||
| Altura | 1,61 m. | ||
| Posición | Centrocampista | ||
| Información de club | |||
| Club actual | Alcoyano | ||
| Número | 21 | ||
| Carreira xuvenil | |||
| 2007–2017 | Sevilla | ||
| Carreira sénior | |||
| Anos | Equipos | Aprs | (Gls) |
| 2017– | Sevilla B | 49 | (6) |
| 2018– | Sevilla | 1 | (0) |
| 2020–2021 | → Deportivo da Coruña (cedido) | 22 | (2) |
| 2021–2023 | Betis Deportivo | 57 | (2) |
| 2023– | Alcoyano | 7 | (0) |
| Selección nacional | |||
| 2017 | España sub-17 | 20 | (3) |
| 2018 | España sub-18 | 4 | (0) |
| 2018 | España sub-19 | 2 | (0) |
| Na rede | |||
  | |||
|
Partidos e goles só en liga doméstica. Club: actualizado a 4 de novembro de 2023. Selección: actualizado a 14 de novembro de 2018.[ editar datos en Wikidata ] | |||
Traxectoria editar
Formouse na canteira do Sevilla FC e asinou o seu primeiro contrato profesional a finais do 2016 alternando o equipo xuvenil co Sevilla Atlético Club, co que debutou con 17 anos en Segunda División nun partido contra o CD Lugo.[1][2] Na tempada 2017/18 seguiu alternando os xuvenís co 2º equipo do Sevilla FC. Na última xornada da Primeira División debutou co primeiro equipo, saíndo desde o banco nun partido contra o Deportivo Alavés.[3]
Na seguinte tempada sufriu unha lesión de longa duración que o mantivo afastado dos terreos de xogo.[4] Na tempada 2019/20 foi convocado co primeiro equipo para varios partidos da UEFA Europa League, que acabou gañando o equipo hispalense.[5]
O 11 de setembro de 2020 anunciouse a súa cesión por unha tempada ao Deportivo da Coruña, en Segunda División B.[6] Disputou 24 encontros co club galego e marcou dous goles, contra o Coruxo e contra o Guijuelo.
Ao rematar a súa cesión rescindiu o seu contrato co Sevilla e asinou co Betis Deportivo, filial do Real Betis, na nova Primeira División RFEF.[7] Militou dúas campañas no conxunto bético, a segunda delas na Segunda División RFEF, despois de descender na súa primeira tempada. Disputou un total de 57 partidos, anotando 2 goles.
Para a tempada 2023/24 asinou como novo xogador do Alcoyano, da Primeira RFEF.[8]
Palmarés editar
- Selección española sub-17
- Eurocopa sub-17 (1): 2017.
- Selección española sub-18
- Medalla de ouro dos Xogos Mediterráneos (1): 2018.[9]
Notas editar
- ↑ "El juvenil Lara firma contrato profesional". eldesmarque.com. Consultado o 11 de setembro de 2020.
- ↑ "El Viejo Nervión sigue sin ver ganar al filial hispalense". Marca (en castelán). 3 de decembro de 2017. Consultado o 11 de setembro de 2020.
- ↑ "Lara y un debut con desparpajo" (en castelán). 19 de maio de 2018. Consultado o 11 de setembro de 2020.
- ↑ "Lara se rompe el ligamento cruzado posterior" (en castelán). 6 de decembro de 2018. Consultado o 11 de setembro de 2020.
- ↑ "Sevilla-Inter 2020". www.uefa.com (en inglés). Consultado o 11 de setembro de 2020.
- ↑ "Lara, novo xogador do Dépor 20·21". 11 de setembro de 2020. Consultado o 11 de setembro de 2020.
- ↑ "Lara ficha por el Betis Deportivo, una decisión “pensada y valiente por ambas partes”" (en castelán). 12 de xullo de 2021. Consultado o 12 de xullo de 2021.
- ↑ Manteca, Óscar (24 de agosto de 2023). "El Alcoyano ficha al delantero José Lara" (en castelán). Consultado o 4 de novembro de 2023.
- ↑ "Abel Ruiz da el oro a España". AS.com (en castelán). 30 de xuño de 2018. Consultado o 11 de setembro de 2020.