José Alborés Gándara
José Alborés Gándara, nado en Vimianzo cara a 1906 e finado no mesmo concello o 6 de abril de 1993,[1] foi un político galego.
| Biografía | |
|---|---|
| Nacemento | 1906  Vimianzo, España |
| Morte | 6 de abril de 1993 (86/87 anos) Vimianzo, España |
| Alcalde de Vimianzo | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
| Familia | |
| Irmáns | Manuel Alborés Gándara |
Traxectoria editar
Afiliado a Izquierda Republicana, logo do triunfo da Fronte Popular, foi nomeado alcalde de Vimianzo o 20 de febreiro de 1936. Cando se produciu o golpe de Estado do 18 de xullo de 1936 xunto co secretario Andrés García Ferreiro tratou de evitar que os veciños se enfrontasen aos golpistas alzados en Zas. Reclamado polo xulgado de Corcubión en outubro de 1936.[2] Logrou fuxir e estivo agochado durante 14 anos en Ponteceso, Traba de Laxe, Muxía, Vimianzo e Cee até que se entregou en 1950. Reabriuse o seu proceso e foi xulgado na Coruña por rebelión militar, e condenado a 15 anos de prisión, pero foi inmediatamente indultado. O seu irmán Manuel Alborés Gándara foi executado en Ordes.
Após o seu indulto foi o contratista responsábel das obras de construción dos campanarios do santuario da Virxe da Barca, proxectados por Peregrín Estellés e finalmente inaugurados en 1959.[3][4]
| Predecesor: ? |
 Alcalde de Vimianzo 1936 |
Sucesor: José Rivera Graíño |
Notas editar
- ↑ La Voz de Galicia, Carballo, 8-4-1993, p. 35.
- ↑ BOE, 6-6-1937, p. 1781.
- ↑ "Medio siglo de las torres de la Barca". La Voz de Galicia. Consultado o 2016-08-23.
- ↑ Buserana, Proxecto. "D.ROMUALDO BENTÍN E AS TORRES DA BARCA". Proxecto Buserana. Arquivado dende o orixinal o 26 de agosto de 2016. Consultado o 2016-08-23.
Véxase tamén editar
Outros artigos editar
José Alborés Gándara na páxina web Nomes e Voces.