Johan Löfberg
Johan Jerker Löfberg, nado o 8 de xullo de 1995 en S:t Nikolai, Göteborg, é un xogador profesional internacional de baloncesto sueco. Actualmente xoga para o Denain Voltaire Basket da LNB Pro B francesa. Cunha altura de 1,99 metros xoga na posición de ala.[1]
| Denain Voltaire – No. 1 | |
| Información persoal | |
|---|---|
| Nacemento | 8 de xullo de 1995 (28 anos) S:t Nikolai, Suecia
|
| Nacionalidade | Suecia
|
| Altura | 1,99 m (6 ft 6 in) |
| Peso oficial | 85 kg (195 lb) |
| Posición | Ala |
| Información da carreira | |
| Canteira | KFUM Göteborg Mens Sana Siena (2012−2014) |
| Internacional | Suecia
|
| Carreira | desde 2014 |
| Historial de equipos | |
| Mens Sana Siena (2013–2014) Serie A Örebro Basket (2014–2015) Ligan Dolomiti Energia Trento (2015–2016) Serie A → Oviedo (2016–2017) LEB CB Breogán (2017–2019) ACB Palma Air Europa (2019–2020) LEB Vichy-Clermont (2020–2021) Pro B Básquet Coruña (2021–2022) LEB Denain Voltaire (2022–presente) Pro B | |
Traxectoria editar
Nado en Sankt Nikolai, Suecia, Löfberg militou nas categorías inferiores do KFUM Göteborg sueco e do Montepaschi Siena italiano. Tras acabar a súa etapa xuvenil, regresa ao seu país natal paraformar parte do Eco Örebro, onde disputou 30 partidos de liga sueca da temporada 2014-15 cunha media de 11,2 puntos, 1,9 rebotes, 1,5 asistencias e 0,7 robos de balón por partido, sendo as súas porcentaxes de lanzamento o 44,9% en tiros de campo (incluíndo un 38,7% en triplas) e o 77,2% en tiros libres.
Tras acabar a temporada regresa a Italia, asinando por tres temporadas co Dolomiti Energia Trento da Serie A por tres temporadas, sendo unha clara aposta de futuro do cadro transalpino. A súa participación co conxunto da capital do Trentino na súa primeira campaña foi pouco máis que testemuñal, actuando en 5 partidos da Serie A e en 12 encontros da Eurocup. Neses 17 partidos xogados, Löfberg fixo unha medias de 4,3 minutos e 2,1 puntos por choque.
Na seguinte temporada é cedido ao Unión Financiera Oviedo da LEB na procura de minutos. No equipo asturiano xoga 33 partidos de liga regular, onde fai unha media de 12 puntos, 3,5 rebotes por partido e 1,2 asistencias por partido; 8 partidos de playoff, onde fai 8 puntos e 3,3 rebotes por encontro; máis a final da Copa Princesa, onde contribúe á vitoria do seu equipo con 18 puntos e unha asistencia. Tras acabar a temporada rescinde o seu contrato co Dolomiti Energia Trento para asinar co Club Baloncesto Breogán.
O 27 de xullo de 2021, anunciouse a súa fichaxe polo Club Básquet Coruña da Liga LEB Ouro.[2]
Clubs editar
Mens Sana Siena (Serie A, non debuta, 2013−2014)
Örebro Basket (Basketligan, 2014−2015)- Dolomiti Energia Trento (Serie A / Eurocup, 2015−2016)
Unión Financiera Oviedo (LEB, 2016−2017)
Cafés Candelas Breogán (LEB / ACB, 2017−2019)- CB Bahía San Agustín (LEB, 2019−2021)
Vichy-Clermont (LNB Pro B, 2020−2021)- Club Básquet Coruña (LEB, 2021−2022)
- Denain Voltaire Basket (LNB Pro B, dende 2022)
Internacional editar
Löfberg é internacional coa selección absoluta sueca. Destaca a súa contribuación no Europeo U20 B, onde fixo unhas medias de 15,4 puntos e 5,8 rebotes en 8 partidos, axudando ao seu equipo a acadar a segunda posición final e o consiguinte ascenso á División A.
Notas editar
- ↑ "Johan Lofberg vestirá a celeste do Cafés Candelas". Breogan.gal. 7 de agosto de 2017.
- ↑ Johan Lofberg sumar ao Leyma Coruña
Véxase tamén editar
Ligazóns externas editar
- Perfil en FEB.es (en castelán)