Joanot Martorell
Joanot Martorell, nado en Valencia entre os anos 1405 e 1410 e finado na mesma cidade en 1465, foi un escritor medieval valenciano en lingua catalá. Tirant lo Blanc é a súa obra máis coñecida, xa que é considerada a primeira novela moderna de Europa.
| Joanot Martorell | |
|---|---|
 | |
| Nacemento | 1413, c. 1413 e 1410 |
| Lugar de nacemento | Valencia |
| Falecemento | 1468, abril de 1465 e 1465 |
| Lugar de falecemento | Valencia e Barcelona |
| Nacionalidade | Reino de Valencia |
| Ocupación | escritor |
| Irmáns | Jofré Martorell |
| Coñecido por | Tirant lo Blanc |
| Na rede | |
    | |
| [ editar datos en Wikidata ] | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2012.) |
Traxectoria editar
Segundo o historiador Jaume Chiner, naceu en Valencia, no seo da liñaxe dos Martorell, unha familia da media nobreza orixinaria de Gandia, mais estabelecida en Valencia dende 1400. O seu avó foi conselleiro real e o seu pai, camareiro do rei Martín o Humano.
De Joanot Martorell, que foi cuñado de Ausiàs March, coñécense bastantes elementos biográficos que nolo mostran coma un cabaleiro vigoroso de vida axitada. Fixo longas estadías en Inglaterra, Portugal e Italia como consecuencia de diversas loitas cabaleirescas ás cales era afeccionado.
En 1433 dátase como o primeiro nomeamento de Joanot como cabaleiro. O escritor valenciano era dos que buscaban pelexas xa que lle gustaban moito as xustas entre cabaleiros, xa fose por razóns de honra ou por intereses máis materiais, e ademais, como é o que facían tódolos cabaleiros sentíase a gusto. De tódalas súas batallas entre cabaleiros temos información a partir de letras de batallas que Martorell escribiu durante toda a súa vida.
O 2 de xaneiro de 1460 comezou a escribir Tirant lo Blanc, morrendo sen descendencia.
Só escribiu esta obra, rica e complexa, insólita e diferente e é por iso que o seu nome está entre os mellores autores da literatura catalá i universal. Mais ao ser escrita en catalán non tivo unha magnitude tan grande como Cervantes porque o catalán era bastante minoritario. A obra ten 487 capítulos e máis de 800 páxinas onde se explica a historia dun cabaleiro chamado Tirant. Os manuscritos da obra foron herdados por Martí Joan de Galva que levou a novel·la á imprenta. Martí Joan morreu seis meses antes da publicación da obra no 1490.