Wikipedia

Jet Airways

aeroliña india

Jet Airways é un gran aeroliña india baseada en Bombai. En marzo de 2018 foi a segunda maior aeroliña da India despois de IndiGo cun 15% do mercado de pasaxeiros.[1] A compañía opera ao redor de 300 voos diarios a 66 destinos de todo o mundo dende o seu centro de conexión principal no aeroporto Chhatrapati Shivaji e os secundarios nos aeroportos de Ámsterdam-Schiphol, Chennai, Indira Gandhi, Kempegowda e Netaji Subhas Chandra Bose.

Jet Airways
IATA
9W		OACI
JAI		Indicativo
JET AIRWAYS
Fundación1 de abril de 1992
Inicio das operacións5 de maio de 1993
Frota119
Destinos66
HoldingTailwinds Private Limited
Eslogan da compañíaThe Joy of Flying
SedeBombai
Páxina web: https://www.jetairways.com

Creada en abril de 1992, a aeroliña comezou a operar como operador de taxi aéreo o 5 de maio de 1993. Comezou as súas operacións completas no ano 1995, e en 2004 comezou a realizar voos internacionais. A aeroliña fíxose pública en 2005 e en 2007 mercou Air Sahara. No ano 2010 converteuse na aeroliña con miaor porcentaxe no mercado indio, posición que mantivo ata o ano 2012.

Historia editar

1992-2005: comezos editar

Jet Airways constituíuse como unha sociedade de responsabilidade limitada o 1 de abril de 1992.[2] Iniciou as súas actividades como un operador de taxi aéreo o 5 de maio de 1993 cunha frota de catro avións Boeing 737-300 alugados.[2] O 14 de xaneiro de 1994 concedéuselle o status de aeroliña regular.[2] O 12 de maio de 1994 todas as accións foron transferidas a Tailwinds International, cuxo capital estaba en mans de Naresh Goyal (60%), Gulf Air (20%) e Kuwait Airways (20%). En outubro de 1997, segundo a directiva do Ministerio de Aviación Civil que prohibe investimento estranxeiro en aeroliñas de pasaxeiros, Goyal fíxose co control da totalidade da compañía.[2] A aeroliña lanzou o seu primeiro voo internacional en marzo de 2004 dende Chennai a Colombo.[3] Jet Airways comezou a cotizar na bolsa de Bombai e comverteuse nunha compañía pública o 28 de decembro de 2004, con Goyal mantendo o 51% das accións.[2][4]

2006-2009: crecemento e expansión editar

En xaneiro de 2006 Jet Airways anunciou a súa intención de mercar Air Sahara por 500 millóns de dólares; porén, o acordo fracasou en xuño dese ano.[5] O 12 de abril de 2007 Jet Airways acordou pagar 220 millóns máis para continuar co acordo.[6] O 16 de abril Air Sahara foi rebautizada como JetLite e comercializada no mercado entre as aeroliñas de baixo custo e as de servizos plenos. JetLite converteuse nunha subsidiaria de propiedade total de Jet Airways.[7] En agosto de 2008 Jet Airways anunciou os seus plans para integrar JetLite en Jet Airways.[8] No mes de outubro dese ano Jet Airways despediu a 1 900 dos seus empregados, que posteriormente foron readmitidos debido á intervención do Ministerio de Aviación Civil.[9][10] Ese mesmo mes a compañía iniciou unha alianza co seu rival Kingfisher Airlines para compartir código en voos domésticos e internacionais, para colaborar no programa de viaxeiro frecuente e compartir tripulacións e equipos de asistencia en terra.[11] O 8 de maio de 2009 Jet Airways lanzou outra marca de baixo custo, Jet Konnect.[12] A nova aeroliña operaba unha frota de avións Boeing 737 Next Generation e ATR 72 nas rutas rendibles de curto alcance con maiores factores de carga de pasaxeiros.[13]

2010-presente: consolidación editar

No terceiro cuarto de 2010 Jet Airways converteuse na aeroliña máis grande da India cunha participación no mercado de pasaxeiros do 22,6%. En xulo de 2012 a compañía solicitou oficialmente ao goberno a aprobación para unirse a Star Alliance.[14] En abril do ano 2018 Jet Airways aínda non era un membro de Star Alliance.[15] En xuño de 2011 converteuse na primeira aeroliña doméstica da India en prohibir produtos cárnicos e líquidos na equipaxe facturada.[16] Jet Airways fusionou a marca JetLite dentro de Jet Konnect o 25 de marzo de 2012 e comezou a ofrecer clase business tras a desaparición de Kingfisher Airlines.[17][18][19] No ano 2013 Etihad Airways planeou mercar unha participación na aeroliña tras o anuncio por parte do goberno de que compañías estranxeiras poderían facerse con ata o 49% de aeroliñas indias. O 24 de abril Jet anunciou que estaba lista para vender o 24% das súas accións a Etihad por 379 millóns de dólares.[20] O acordo completouse o 12 de novembro de 2013.[21]

En 2013 a compañía baixou os prezos e entrou nunha batalla de tarifas coas aeroliñas de baixo custo IndiGo e SpiceJet debido á baixada de demanda de pasaxeiros.[22][23][24] No mes de febreiro o valor de mercado da aeroliña diminuíu en 74 millóns de dólares debido á caída do prezo das súas accións.[25] Jet Airways obtivo beneficios no terceiro cuarto do ano financeiro 2013-14, despois de rexistrar perdas no ano anterior.[26] O 11 de agosto de 2014 Jet Airways anunciou que eliminaría Jet Konnect cara finais dese ano como parte dos seus plans para reposicionar a empresa como un operador uniforme de servizos plenos.[27] O 1 de decembro Jet Konnect fusionouse completamente con Jet Airways, converténdose na terceira aeroliña de servizos plenos da India tras Air India e Vistara.[28] En decembro de 2015 Jet Airways anunciou o peche do seu centro de conexións no aeroporto de Bruxelas en marzo de 2016 e a apertura dun novo no aeroporto de Ámsterdam-Schiphol o 27 de marzo dese ano.[29]

Frota editar

Jet Airways opera unha frota mixta de avións ATR-72, Boeing 737NG, Boeing 777 e Airbus A330. En marzo de 2018 a frota de Jet Airways estaba formada polos seguintes avións:[30]

Frota de Jet Airways
Avión En servizo Pedidos Pasaxeiros Notas
F J Y Total
Airbus A330-200 5 — — 18 236 254 3 alugados a Turkish Airlines[31]
Airbus A330-300 4 — — 34 259 293
ATR 72-500 15 — — — 66 66
ATR 72-600 3 — — — 72 72
Boeing 737-700 5 — — 8 126 134
Boeing 737-800 71 — — 12 156 168
Boeing 737-900 2 — — 28 138 166
Boeing 737-900ER 4 — — 12 172 184
Boeing 737 MAX — 154 TBA Entregas dende xuño de 2018[32]
Boeing 777-300ER 10 — 8 30 308 346
Boeing 787-9 — 10 TBA
Total 119 164

Notas editar

  1. ↑ DGCA (ed.). "Traffic Report March 2018" (PDF). Arquivado dende o orixinal (PDF) o 23 de abril de 2018. Consultado o 23 de abril de 2018. 
  2. ↑ 2,0 2,1 2,2 2,3 2,4 The Economic Times (ed.). "Company History - Jet Airways (India) Ltd.". Consultado o 24 de abril de 2018. 
  3. ↑ India Today (ed.). "Jet Airways completes 20 years of operations on Sunday". Consultado o 24 de abril de 2018. 
  4. ↑ Jet Airways (ed.). "Shareholding pattern, Q3 2015–16" (PDF). Arquivado dende o orixinal (PDF) o 07 de outubro de 2016. Consultado o 24 de abril de 2018. 
  5. ↑ India Today (ed.). "Jet-Sahara deal: Reasons behind collapse of India's most high-profile aviation merger". Consultado o 24 de abril de 2018. 
  6. ↑ Rediff (ed.). "Jet finally buys Air Sahara for Rs 1,450 crore". Consultado o 24 de abril de 2018. 
  7. ↑ Rediff (ed.). "Jet renames Air Sahara 'Jetlite'". Consultado o 24 de abril de 2018. 
  8. ↑ The Economic Times (ed.). "JetLite may merge with Jet Airways this year". Consultado o 24 de abril de 2018. 
  9. ↑ The Times of India (ed.). "Jet Air sacks 1,000 employees". Consultado o 24 de abril de 2018. 
  10. ↑ The Economic Times (ed.). "Praful takes credit for reversal of Jet layoffs". Consultado o 24 de abril de 2018. 
  11. ↑ Rediff (ed.). "Kingfisher, Jet in cost-saving alliance". Consultado o 24 de abril de 2018. 
  12. ↑ Rediff (ed.). "What went wrong with Jet Airways' no-frills brand Konnect". Consultado o 24 de abril de 2018. 
  13. ↑ NDTV (ed.). "Jet Airways inducts five ATR 72-600 series aircraft". Consultado o 24 de abril de 2018. 
  14. ↑ Live Mint (ed.). "Jet Airways seeks government nod to join Star Alliance". Consultado o 24 de abril de 2018. 
  15. ↑ Star Alliance (ed.). "Star Alliance Member Airlines". Consultado o 24 de abril de 2018. 
  16. ↑ Hindustan Times (ed.). "Jet Airways bans meat products, fliers upset". Arquivado dende o orixinal o 01 de novembro de 2011. Consultado o 24 de abril de 2018. 
  17. ↑ The Economic Times (ed.). "Jet Airways offers eight business class seats in Konnect to cash in on Kingfisher Airlines' woes". Consultado o 24 de abril de 2018. 
  18. ↑ The Times of India (ed.). "Jet Airways discontinues JetLite, merges with Konnect". Consultado o 24 de abril de 2018. 
  19. ↑ The Hindu (ed.). "Jet discontinues JetLite, merges with Konnect". Consultado o 24 de abril de 2018. 
  20. ↑ Outlook India (ed.). "Jet Airways to Sell 24% Equity to Etihad Airways". Archived from the original on 17 de maio de 2013. Consultado o 24 de abril de 2018. 
  21. ↑ Jet Airways (ed.). "Jet Airways - Etihad Airways Strategic Alliance". Archived from the original on 18 de marzo de 2016. Consultado o 24 de abril de 2018. 
  22. ↑ The Economic Times (ed.). "SpiceJet, IndiGo join Jet Airway's airfare war, offer discounts". Consultado o 24 de abril de 2018. 
  23. ↑ Business Today (ed.). "Jet Airways escalates price war, offers 20 lakh tickets at rock bottom rates". Consultado o 24 de abril de 2018. 
  24. ↑ The Economic Times (ed.). "Race on to slash airfares: IndiGo, GoAir follow suit as flyers scramble for discounted Jet tickets". Consultado o 24 de abril de 2018. 
  25. ↑ The Economic Times (ed.). "Jet Airways down over 11%; market valuation drops by Rs 484 crore". Consultado o 24 de abril de 2018. 
  26. ↑ The Hindu (ed.). "Jet Airways returns to profit". Consultado o 24 de abril de 2018. 
  27. ↑ ch-aviation (ed.). "India's Jet Airways to phase out LCC Jet Konnect". Consultado o 24 de abril de 2018. 
  28. ↑ Live Mint (ed.). "Jet Airways to offer full services on all-economy subsidiary JetKonnect". Consultado o 24 de abril de 2018. 
  29. ↑ The Hindu (ed.). "Jet Airways makes Amsterdam its European gateway". Consultado o 24 de abril de 2018. 
  30. ↑ Jet Airways (ed.). "Fleet Information". Arquivado dende o orixinal o 24 de xuño de 2018. Consultado o 23 de abril de 2018. 
  31. ↑ Planespotters (ed.). "Production List Search". Arquivado dende o orixinal o 02 de xullo de 2016. Consultado o 23 de abril de 2018. 
  32. ↑ Live Mint (ed.). "Jet Airways to buy 75 fuel-efficient Boeings in its biggest order". Consultado o 23 de abril de 2018. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Jet_Airways&oldid=6439379»