Jesús García Calvo
Jesús García Calvo, nado en Logrosa (Negreira) en 1921 e finado o 12 de febreiro de 2011[1], foi un rexistrador da propiedade, avogado e empresario cooperativista galego.
| Biografía | |
|---|---|
| Nacemento | 1921  Logrosa, España |
| Morte | 12 de febreiro de 2011 (89/90 anos) |
| Actividade | |
| Ocupación | empresario, avogado, rexistrador da propiedade |
 | |
Traxectoria
editarEntrou na Universidade de Santiago ao pouco de rematar a guerra civil, e licenciouse en Dereito en 1944. De emprego rexistrador da propiedade, traballo ao que chegou por oposición en 1949, o seu papel más importante foi a cofundadoción da cooperativa Feiraco (1968) xunto con Maximino Viaño e 50 cooperativistas máis. Tamén foi o seu primeiro presidente, cargo que ostentou ata xuño de 2008. Despois continuou vinculado a Feiraco como presidente de honra ata o seu falecemento.
García Calvo ocupou distintos cargos vinculados ao sector primario na comarca santiaguesa. Foi membro do consello de administración da madeireira Finsa[1] e da Caixa Rural Provincial da Coruña, así como presidente de UTECO[1] na provincia da Coruña, a organización cooperativista.
Foi presidente do consello social da Universidade de Santiago de Compostela.
Honras
editar- Premio Agrario de Galicia 2005.
- Medalla de Ouro da Universidade de Santiago.
- Medalla de Ouro da Cámara de Comercio, Industria e Navegación de Santiago de Compostela.
- comendador da Orde do Mérito Civil Agrícola.
- O campo de fútbol de Negreira leva o seu nome[2].
Vida persoal
editarCasou con Alvarina López.
Notas
editar- ↑ 1,0 1,1 1,2 "Falece Jesús García Calvo, fundador de Feiraco e impulsor do cooperativismo - NOTICIAS - Hoxe en Xornal de Galicia 1º Diario Dixital de Galicia". web.archive.org. 2011-02-15. Arquivado dende o orixinal o 15 de febreiro de 2011. Consultado o 2024-12-12.
- ↑ "CAMPO DE FÚTBOL "JESÚS GARCÍA CALVO"". concellodenegreira.gal. Consultado o 2024-12-12.
Véxase tamén
editarLigazóns externas
editar