Jean René Constant Quoy
Jean René Constant Quoy, nado en Maillé, preto de Maillezais (Vendée) o 10 de novembro de 1790 e finado en Rochefort (Charente Marítimo) o 4 de xullo de 1869, foi un naturalista, zoólogo e cirurxián de a bordo francés.
  | |
| Biografía | |
|---|---|
| Nacemento | 10 de novembro de 1790 Maillé, Francia |
| Morte | 4 de xullo de 1869 (78 anos) Rochefort, Francia |
| Datos persoais | |
| País de nacionalidade | Francia |
| Educación | École de médecine navale de Rochefort |
| Actividade | |
| Ocupación | médico militar , ictiólogo , entomólogo , explorador , anatomista , cirurxián , ornitólogo , malacólogo , botánico , zoólogo , naval surgeon (en)  |
| Membro de | |
| Lingua | Lingua francesa |
| Obra | |
| Abreviación dun autor en botánica | Quoy |
Premios | |
Traxectoria editar
Ingresou na Escola de Medicina Naval de Rochefort en 1806, e ao ano seguiente xa era cirurxián auxiliar de terceira clase. Comezou a servir na corveta Le Département des Landes e pasou, en 1810, a Le Jemmapes. En 1811 era cirurxián de terceira clase, e en 1812 de segunda. Obtivo o seu doutoramento en medicina en Montpellier en 1814, cunha tese titulada Epistola dominae G. de nonnulis pavoris effectibus.[1] En 1815, actauba no Hospital Marítimo de Rochefort.
Serviu como naturalista e cirurxián maior ás ordes de Joseph P. Gaimard (1796-1858) a bordo da corveta L’Uranie ao mando do capitán Louis Claude des Saulses de Freycinet (1779-1842), realizando unha viaxe de circunnavegación comezada o 17 de setembro de 1817 cambianado logo á La Physicienne, o 9 de novembro de 1820 . De volta no Hospital de Rochefort, escribiu un informe da expedición.
En 1821, era xa cirurxián de primeira clase. En 1824, foi profesor de anatomía na Escola de Medicina Naval de Rochefort e, en 1825, foi feito cabaleiro da Lexión de Honor. Partiu de novo a bordo do buque L’Astrolabe baixo a comandancia de Jules Dumont d'Urville. A súa seguinte viaxe por todo o mundo comezou o 25 de abril de 1826 , regresando en 1829. Ao seu retorno ao Hospital de Rochefort, comezou a traballar nun novo resumo da viaxe.
En 1830, foi nomeado membro correspondente da Academia das Ciencias francesa. En 1835, foi primeiro médico en xefe do Hospital Marítimo de Toulon, sendo transferido a Brest en 1838. En 1848 foi nomeado oficial da Lexión de Honor, e comandante en 1852. En 1848 foi designado inspector xeral do Servizo de Saúde da Mariña, xubilándose en 1858.
Honores editar
Epónimos editar
- Xéneros:
- Especies:
- Animais:
- Terebra quoygaimardi Cernohorsky, 1976
- Pilumnus quoyi H. Milne-Edwards, 1834
- Ischnochiton quoyanus J. Thiele, 1910
- Vexetais:
- (Lomariopsidaceae) Campium quoyanum Copel
- (Lomariopsidaceae) Heteronevron quoyanum Fée
- (Pteridaceae) Acrostichum quoyanum Gaudich
- (Pteridaceae) Chrysodium quoyanum Ettingsh
- Animais:
Abreviatura editar
A abreviatura Quoy emprégase para indicar a Jean René Constant Quoy como autoridade na descrición e clasificación científica dos vexetais.
Notas editar
- ↑ "Lettre à Madame G. sur quelques effets de la peur" ("Carta á señora G. sobre algúns efectos do medo").
Véxase tamén editar
| Wikispecies posúe unha páxina sobre: Jean René Constant Quoy |
Bibliografía editar
- Marc Fardet (1995): Jean René Quoy. Un chirurgien navigant. in Aventures scientifiques. Savants en Poitou-Charentes du XVIe au XXe siècle, Les éditions de l’Actualité Poitou-Charentes (Poitiers): 172-183. ISBN 2-911320-00-X.
- Françoise Thibaut (2012): Qui est Quoy? Naturaliste, médecin de la marine à voile, et correspondant des académies trop méconnu! En Canal Académie. Consultada o 16 de agosto de 2014.