Jean-Jacques Annaud
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2015.) |
Jean-Jacques Annaud, nado en Juvisy-sur-Orge (Essonne, Francia) o 1 de outubro de 1943, é un director de cine.
  | |
| Biografía | |
|---|---|
| Nacemento | 1 de outubro de 1943 (80 anos) Juvisy-sur-Orge, Francia |
| Datos persoais | |
| País de nacionalidade | Francia |
| Educación | Institut des Hautes Études Cinématographiques (pt)  La Fémis (pt) École nationale supérieure Louis-Lumière (en) |
| Actividade | |
| Lugar de traballo | Costa do Marfil |
| Ocupación | produtor de cinema , actor de cinema , guionista , director de cinema , realizador |
| Período de actividade | 1965 - |
| Membro de | Academia de Belas Artes (2007–) |
| Lingua | Lingua francesa |
| Obra | |
Obras destacables
| |
Premios
| |
| Páxina web | jjannaud.com |
     | |
Traxectoria editar
Tras cursar estudos no Institut des hautes études cinématographiques, iniciouse no mundo do cine coa publicidade.
Obtivo o Óscar ó mellor filme en lingua non inglesa en 1976 coa súa primeira longametraxe, La Victoire en chantant. Encargóuselle entón a dirección de O cabezazo, escrita por Francis Veber e interpretada por Patrick Dewaere.
Adicouse a proxectos moi caros e ambiciosos, como Na busca do lume, (1981) e O oso (1988) nos que demostra mestría técnica.
A súa consagración comercial acadouna coa adaptación da novela de Umberto Eco O nome da rosa, película que combina acertadamente problemas filosóficos e morais co suspense. Contou cun elenco de luxo: Sean Connery, Christian Slater e F. Murray Abraham. Este éxito permitiulle abordar a superprodución erótica L'Amant (1992), adaptación do libro de Marguerite Duras.
En 2006 rodou unha superprodución europea, Sa Majesté Minor, con exteriores rodados nas oliveiras de Benigembla, e na cala do Poble Nou de Benitatxell, na comarca da Marina Alta da Comunidade Valenciana.
Malia non ser sempre ben tratado pola prensa, Annaud ten fama de perfeccionista e de técnico destacado, encargándose de revisar persoalmente todas e cada unha das etapas de elaboración das películas e mesmo a súa adaptación ó DVD.
Filmografía editar
- La Victoire en chantant, (1976, relanzada en 1977 como Noirs et Blancs en couleurs)
- O cabezazo (1979)
- Na busca do lume (1981)
- O nome da rosa (1986)
- O oso (1988)
- L'amant (1992)
- Les Ailes du courage (1995, primeira película de ficción en utilizar o procedemento IMAX)
- Seven Years in Tibet (1997)
- Enemy at the Gates (2001)
- Deux Frères (2004)
- Sa Majesté Minor (2007)