Javier Estévez Viana
Javier Estévez Viana, nado nas Neves cara 1903 e finado en Ponteareas o 14 de setembro de 1936, foi un comerciante e político galego.
| Biografía | |
|---|---|
| Nacemento | 1903  As Neves, España |
| Morte | 14 de setembro de 1936 (32/33 anos) Ponteareas, España |
| Datos persoais | |
| País de nacionalidade | España |
| Actividade | |
| Ocupación | comerciante , xornalista , político |
| Lingua | Lingua castelá |
Traxectoria editar
Sobriño de Alejandro Viana Esperón. Membro do Centro Republicano de Tui, pasou en 1933 a militar no Partido Republicano Radical Socialista.[1] Militou despois en Izquierda Republicana e foi elixido vicesecretario da Juventud de Izquierda Republicana de Ponteareas en marzo de 1935.[2] Comerciante en Ponteareas. Colaborou en Tribuna e Renovación e foi correspondente de El País en Ponteareas.[3] Participou nos mitins da campaña para as eleccións de febreiro de 1936.[4] Co golpe de Estado do 18 de xullo de 1936 foi membro do Comité de Defensa da República de Ponteareas. Tomada a vila polos facciosos, agochouse na casa duns correlixionarios preto do mosteiro de Canedo. Foi detido e ingresou no cárcere de Tui o 13 de agosto. Ás sete da tarde do 14 de setembro a Garda Civil e un grupo de falanxistas de Ponteareas levárono ao depósito municipal da vila. Foi torturado para que delatase o agocho dos republicanos fuxidos: malleiras, amputación dos órganos sexuais, perda das unllas e perforacións nos pulmóns con agullas. Levárono á praza da vila ameazándoo con matalo diante da casa da súa nai. Finalmente asasinárono no Cemiterio da Vila.
Vida persoal editar
Casou en Vigo con Isabel Sangermán Alfaro en novembro de 1929.[5]
Notas editar
Véxase tamén editar
Bibliografía editar
- Rodríguez Gallardo, Ángel (2008). "A represión franquista no concello de Tui". O Miño, unha corrente de memoria. Actas das Xornadas sobre a represión franquista no Baixo Miño (2006, 2007) (PDF). Ponteareas: Alén Miño. pp. 93–94. ISBN 978-84-930739-8-5.
- Rodriguez Gallardo, Ángel (2006). O ruído da morte. A represión franquista en Ponteareas (1936-1939). Sada: Do Castro.
Ligazóns externas editar
- Javier Estévez Viana na páxina web Nomes e Voces.