Jaraba

Jaraba (Charaba en aragonés) é un municipio de Aragón, España, situado na provincia de Zaragoza, na comarca da Comunidade de Calatayud. En 2004 a súa poboación era de 316 habitantes. Dista 124 km da capital provincial.

Jaraba

Localización
41°11′24″N 1°53′03″O
Estado	España
Comunidade autónoma	Aragón
Provincia	Provincia de Zaragoza
Capital	Jaraba
Poboación
Poboación	281 (2023) (6,56 hab./km²)
Lingua oficial	lingua castelá (lingua predominante)
Xeografía
Parte de	Mancomunidade «La Sabina»
Superficie	42,805158 km²
Altitude	763 m
Comparte fronteira con	Calmarza Sisamón
Organización política
• Alcalde	Manuel Enrique Perez Sicilia (en)
Identificador descritivo
Código postal	50237
Fuso horario	UTC+01:00
Código INE	50129
Sitio web	jaraba.es

Datos xeográficos

O concello de Jaraba ocupa unha área de 42,91 km². Aséntase na beira esquerda do río Mesa.

Economía

A economía de Jaraba asenta principalmente no turismo termal. Ha tres balnearios, o Balneario da Virxe, o Balneario de Serón e máis o Balneario de Sicilia, todos creados no século XIX. Ao parecer as propiedades das súas augas xa eran coñecidas desde tempos dos romanos.

As tres plantas embotelladoras de auga que existen no lugar, Fontjaraba, Fontecabras e Lunares, tamén son importantes na súa economía desde que en 1860 foron declaradas de utilidade pública.

Nome

Nos textos medievais máis antigos aparece escrito Jarava, grafía que se mantivo no Fogaxe de 1495. Logo xorde como Xarava en contexto castelanizantes, pero ese -X- no século XVII tornouse no J velar actual.

O seu nome, que se repite na microtoponimia da provincia de Sevilla, é interpretado como procedente do árabe fawwâra "fonte", con metátese, comparábel a La Alfahuara (Almeria) ou Fabara na mesma provincia de Zaragoza.