Jane Flax
Jane Flax, nada o 31 de decembro de 1948, é unha teórica feminista, doutorada en filosofía, e psicanalista estadounidense. En 2017 impartía clases no departamento de Filosofía e Relixión na American University en Washington D.C, e practicaba a psicanálise de forma privada.[1][2][3]
| Biografía | |
|---|---|
| Nacemento | 31 de decembro de 1948  (75 anos) |
| Datos persoais | |
| País de nacionalidade | Estados Unidos de América |
| Educación | Universidade de California en Berkeley Universidade Yale |
| Actividade | |
| Ocupación | filósofa , psicanalista |
Ten unha perspectiva crítica coas posturas esencialistas do feminismo da diferenza. A través da análise de escritos de diversos pensadores, a autora reflexiona e escribe en forma de diálogo, sobre tres importantes modos do pensamento occidental contemporáneo: a psicanálise, as teorías feministas e as filosofías posmodernas.[3][4]
Formación editar
A súa formación superior comezou cando estudou Teoría Política en Berkeley. Involucrouse no Movemento polos Dereitos Civís e contra a Guerra de Vietnam. Interesouse polo pensamento social xermánico e polas relacións entre coñecemento e poder.[5]
Durante os anos nos que estudou un posgrao de Teoría política e Filosofía en Yale, entre 1969 e 1974, xurdiu a segunda onda do feminismo norteamericano, onde ela militou. Organizou grupos de discusión no Women´s Center sobre feminismo. En Yale comezou a interesarse pola psicanálise. Involucrouse na revista feminista americana Quest.[5]
Mudouse a Washington D.C en 1978, onde escribiu os seus primeiros artigos sobre teoría feminista.[5]
Traxectoria editar
Jane Flax defende que a cultura occidental está nunha fase de transición. Examina as construcións de xénero e os modos de pensamento, ou Metateoría, que apoian esas construcións. Localiza a teoría feminista dentro da filosofía posmoderna como unha análise de relacións sociais fluídas e históricas. Defende que o posmodernismo distancia a xente das crenzas sobre a verdade, o coñecemento, o poder, o eu, e a linguaxe, a través da deconstrución.[6]
Desenvolveu, xunto a outras teóricas feministas, a psicanálise feminista, argumentando que a psicanálise é vital para o proxecto feminista e que debe, do mesmo xeito que outras tradicións teóricas, ser criticado e transformado por mulleres, para liberalo de calquera vestixio de sexismo.[7]
As súas publicacións tratan principalmente sobre teoría feminista, teoría crítica de raza, psicanálise, teorías políticas contemporáneas europeas e americanas, filosofía moral e ética, e relacións entre raza e xénero.[7]
Publicacións editar
Ao longo da súa traxectoria Jane Flax escribiu e publicou unha gran variedade de libros entre os que destacan:[8]
- Thinking Fragments: Psychoanalysis, Feminism and Postmodernism in the Contemporary West (1990/1991)[9][10]
- Disputed Subjects: Essays on Psychoanalysis, Politics and Philosophy (1993)[11]
- The American Dream in Black and White: The Clarence Thomas Hearings (1998/1999)[12]
- Resonances of Slavery in Race/Gender Relations: Shadow at the Heart of American Politics (2010)[13]
- Ademais, escribiu artigos en xornais e revistas especializadas.[14]
Notas editar
- ↑ "American University Professor Jane Flax Explores Foucault’s Self-Care Ideas". The Daily Nexus. Consultado o 4 de decembro de 2017.
- ↑ "Jane Flax". IWM (en inglés). 25 de abril de 2013. Arquivado dende o orixinal o 15 de decembro de 2017. Consultado o 4 de decembro de 2017.
- ↑ 3,0 3,1 "Flax Jane - Psicoanalisis Y Feminismo - Pensamientos Fragmentarios Pdf". Consultado o 4 de decembro de 2017.
- ↑ "Profile Jane Flax". Consultado o 4 de decembro de 2017.
- ↑ 5,0 5,1 5,2 "Howard University- Department of Political Science". Arquivado dende o orixinal o 21 de xaneiro de 2015. Consultado o 4 de decembro de 2017.
- ↑ "Review of Flax, Jane. Thinking Fragments: Psychoanalysis, Feminism, and Postmodernism in the Contemporary West. Berkeley: California UP, 1990. POSTMODERN CULTURE". Consultado o 4 de decembro de 2017.
- ↑ 7,0 7,1 Rodríguez; Magda. El placer del simulacro: mujer, razón y erotismo (en castelán). Icaria Editorial. ISBN 9788474266825.
- ↑ "Jane Flax Books. List of books by author Jane Flax". Consultado o 4 de decembro de 2017.
- ↑ Jane. Thinking fragments : psychoanalysis, feminism, and postmodernism in the contemporary West. University of California Press. ISBN 9780520073050. OCLC 19393869.
- ↑ "Ediciones Cátedra". Arquivado dende o orixinal o 15 de decembro de 2017. Consultado o 4 de decembro de 2017.
- ↑ Jane. Disputed subjects : essays on psychoanalysis, politics, and philosophy. Routledge. ISBN 041590790X. OCLC 27937926.
- ↑ Jane. The American dream in black and white : the Clarence Thomas hearings. Cornell University Press. ISBN 9780801485619. OCLC 42308691.
- ↑ Jane. Resonances of slavery in race/gender relations : shadow at the heart of American politics (1st ed ed.). Palgrave Macmillan. ISBN 0230108660. OCLC 613646267.
- ↑ "Jane Flax". Consultado o 4 de decembro de 2017.