J Records

J Records foi un selo discográfico estadounidense propiedade de Sony Music Entertainment, e distribuído a través de RCA/Jive Label Group.

J Records
Compañía nai	Sony Music Entertainment
Fundado en	2000
Fundador	Clive Davis
Estado	defunto
Distribuidoras	RCA/Jive Label Group (nos EEUU) RCA Records (fóra dos EEUU)
Xénero(s)	varios
Orixe	Estados Unidos
http://jrecords.com/

Historia

J Records foi fundado no ano 2000 polo veterano industrial Clive Davis, con 15 millóns de dólares financiados pola BMG, despois da súa expulsión de Arista Records ese mesmo ano, e inicialmente operou como unha discografía independente ditribuída a traves da BMG. Olivia foi a primeira artista en asinar con J Records, pero posteriormente foi expulsada polas súas pobres vendas de álbums. No ano 2001, o selo tivo éxito coa súa primeira edición, o multi-platino Songs in A Minor, álbum de estrea de Alicia Keys, do que se venderon ao redor de 12 millóns de copias en todo o mundo. Ese mesmo ano, J Records tivo outro éxito co primeiro álbum de O-Town. Posteriormente artistas establecidos como D'Angelo, Jamie Foxx e Monica uníronse ao selo.

No ano 2002, BMG mercou unha participación maioritaria do selo. Ese mesmo ano, J Records comezou a funcionar baixo o RCA Music Group, onde Davis foi nomeado presidente e CEO, e asinou cos gañadores do programa American Idol Fantasia e Ruben Studdard. En agosto do 2005 as operacións de J Records fusionáronse coas de Arista Records, aínda que ámbolos dous selos continuaron editando os seus propios produtos.

Durante o verán do 2011 o RCA Music Group someteuse a unha reestruturación que levou ao peche de J Recors, xunto cos selos irmáns Jive e Arista, o día 7 de outubro. RCA Records comezará a editar todos os traballos do RCA Music Group a través de RCA Records.

Véxase tamén

Ligazóns externas

• Páxina oficial (en inglés)