Inma Otero Varela
Inmaculada Otero Varela, tamén coñecida como Inmaculada Otero ou Inma Otero, nada en Carral o 30 de xuño de 1976, é unha filóloga e ensaísta galega.
| Biografía | |
|---|---|
| Nacemento | (es) Inmaculada Otero Varela  30 de xuño de 1976 (47 anos)Carral, España |
| Datos persoais | |
| País de nacionalidade | España |
| Educación | Universidade da Coruña Universidade de Santiago de Compostela |
| Actividade | |
| Ocupación | escritora , filóloga |
| Lingua | Lingua galega |
    | |
Traxectoria editar
Licenciada en Filoloxía Hispánica pola Universidade da Coruña (1994-1998) e Filoloxía Galega na Universidade de Santiago de Compostela (1998-2000). Obtivo o Diploma de Estudos Avanzados nesta última universidade no 2002 co traballo de investigación A narrativa experimental galega dos 80 e 90: un achegamento ao posmodernismo, no que tivo como titora a Dolores Vilavedra. Traballou no Centro de Documentación Sociolingüística de Galicia, pertencente ao Consello da Cultura Galega (2002-2003), para posteriormente ser Lectora de Lingua e Cultura Galega na Universidade de Roma La Sapienza (2003-2008). Traballa como profesora de Lingua e Literatura Galega no IES David Buján de Cambre. Colabora como crítica literaria no suplemento Sermos de Nós Diario, en Grial e na web italiana «Insula Europea».[1][2]
Obras editar
Ensaio editar
- Criminal, Eu é. Dúas novelas de Xurxo Borrazás (2000). Santiago: Sotelo Blanco. ISBN 84-7824-365-8.
- O posmodernismo no sistema literario galego (2007). Universidade de Santiago. Tesiña.
- A ficcionalización do eu: autoría e protagonismo das mulleres na literatura (2014). Euseino? Editores. En «Anotacións sobre literatura e filosofía», nº 6
- O obxecto muller e o xiro ontolóxico (2021). Vigo: Euseino? Editores. 168 páxs. ISBN 978-84-121580-6-9.[3]
- A materialidade das fillas de Lupa. Obxectos ficcionais femininos na narrativa galega (2022). Vigo: Xerais. 152 páxs. ISBN 978-84-1110-171-4.[4] ePub: ISBN 9978-84-1110-172-1.
Tradución editar
- Emerxencia, de Maurizio Ferraris (2017). Euseino? Editores.
Notas editar
- ↑ "autor/a Editorial Xerais". www.xerais.gal. Consultado o 2022-09-06.
- ↑ "Inmaculada Otero Varela". www.aelg.gal. Consultado o 2022-09-06.
- ↑ "a propósito de O OBXECTO MULLER E O XIRO ONTOLÓXICO, de Inma Otero Varela, en Euseino?". Ferradura en Tránsito II. 2022-02-08. Consultado o 2022-09-06.
- ↑ "Ficha do libro Editorial Xerais". www.xerais.gal. Consultado o 2022-09-06.