Inma López Silva

Inmaculada López Silva, nada en Santiago de Compostela o 3 de maio de 1978, é unha escritora galega.

Inma López Silva
Nome completo	Inma López Silva
Nacemento	3 de maio de 1978
Lugar de nacemento	Santiago de Compostela
Nacionalidade	España
Ocupación	escritora, crítica de teatro, profesora universitaria, tradutora e teatrólogo
Xéneros	Ensaio, narrativa e poesía
Estudos	Filoloxía Galega
Na rede
[ editar datos en Wikidata ]

Traxectoria

Licenciada en Filoloxía Galega pola Universidade de Santiago de Compostela, Doutora en Filoloxía pola mesma Universidade, é investigadora e crítica teatral. Colabora habitualmente nas revistas Citania, Grial, Revista Galega de Teatro e Primer Acto, así como no xornal El Correo Gallego. É membro do consello de redacción de Dorna. Vencellada politicamente con Compromiso por Galicia concorreu con esa formación nas eleccións ao Parlamento de Galicia de 2012 e ao Parlamento Europeo de 2014.

É profesora na Escola Superior de Arte Dramática.

Obra

Narrativa

• Rosas, corvos e cancións (2000). Galaxia. 180 páxs. ISBN 978-84-8288-381-6.
• Concubinas (2002). Xerais. 264 páxs. ISBN 978-84-8302-883-4. Traducida ao castelán en 2009, na editorial Ámbar (Barcelona).
• Neve en abril (2005). Galaxia, Costa Oeste. 108 páxs. ISBN 978-84-8288-773-9.
• Non quero ser Doris Day (2006). Biblos Clube. ISBN 978-84-935062-3-0.
• New York, New York (2007). Galaxia. 196 páxs. ISBN 978-84-8288-815-6. Traducida ao castelán en 2008, na editorial El Andén (Barcelona), 200 páxs. ISBN 9788496929814.
• Memoria de cidades sen luz (2008). Galaxia. 240 páxs. ISBN 978-84-9865-136-2. Traducida ao castelán como Memoria de ciudades sin luz (2010). Ámbar Editorial. 240 paxs. ISBN 978-8492687220.
• Tinta (2012). Galaxia. 160 páxs. ISBN 978-84-9865-442-4.
• Aqueles días en que eramos malas (2016). Galaxia. 424 páxs. ISBN 978-84-9865-720-3. Traducida ao castelán.

• O libro da filla (2020). Galaxia. 484 páxs. ISBN 978-84-9151-438-1.
• Quen non ten un avó fascista (2022). Vigo: Galaxia. ISBN 978-84-9151-941-6.
• Escola de mulleres (2023). Vigo: Galaxia. 462 páxs. ISBN 978-84-1176-011-9.

Ensaio

• A recepción do teatro galego contemporáneo (1990-2000) (2003, Universidade de Santiago de Compostela).
• Teatro e canonización: a crítica teatral na prensa periódica galega (1990-2000) (2005, Tris Tram).
• Maternosofía (2014). Galaxia. 172 páxs. ISBN 978-84-9865-517-9.
• Resistir no escenario. Cara a unha historia institucional do teatro galego (2016, Universidade de Santiago/Xunta de Galicia).
• Chámame señora pero trátame coma a un señor (2018). Galaxia. 178 páxs. ISBN 978-84-9151-258-5.

Poesía

• Clepsidras (2022). Chan da Pólvora. 73 páxs. ISBN 9788412473148.

Traducións

• Calígula. O malentendido, de Albert Camus (2009, Galaxia).
• As criadas. O balcón, de Jean Genet (2010, Galaxia).
• “Xuízo a unha lurpia”, de Miguel del Arco, 2017 (para Teatro do Atlántico)

Con Cristina-Sánchez Andrade en 2022

Obras colectivas

• VI Certame literario Manuel Lueiro Rey de novela curta 1998 (1999, Concello do Grove).
• Mini-relatos, (1999, Libraría Cartabón).
• Caso Torneiro: 1898-1975, en Narradoras (2000, Xerais).
• Un abrente teatral. As Mostras e o Concurso de Teatro de Ribadavia (2002). Galaxia. Con Dolores Vilavedra. 312 páxs. ISBN 978-84-8288-554-4.
• Carlos Casares: a semente aquecida da palabra (2003, Consello da Cultura Galega).
• Escrita Contemporánea. Homenaxe a Ánxel Casal (2005, Asociación de Escritores en Lingua Galega).
• Guerra Civil e Literatura Galega (1936-1939) (2006, Xerais).
• Poetas e Narradores nas súas voces. II (2006, Consello da Cultura Galega).
• Letras novas (2008, Asociación de Escritores en Lingua Galega).
• 25 anos. Mostra Internacional de Teatro Ribadavia (2009, Difusora). Con Xosé Luís Méndez Ferrín e Roberto Pascual.
• Unha cesta de pombas e mazás. Homenaxe a Isaac Díaz Pardo (2013, Academia Real Isaac Díaz Pardo).
• O libro dos libros (2018, Galaxia), co relato "Unha casa con libros".
• Entre donas (2020). Baía Edicións. 208 páxs. ISBN 9788499953427. Dez relatos de escritoras galegas actuais colocando as mulleres no centro da historia.

Premios

• Premio Rúa Nova no 1996, por Neve en abril, ambientada na guerra civil española.
• 2º premio Modesto R. Figueiredo no 1998, por Cartas que viñan de alén mar.
• Premio de novela curta Manuel Lueiro Rey no 1998, por Canción de amor india.
• Premio Xerais no 2002, por Concubinas.
• Premio Manuel Murguía no 2005, por Aqueles que retratan o vento.
• Finalista do VI Premio de novela por entregas de La Voz de Galicia no 2006, por Non quero ser Doris Day.
• Premio Blanco Amor no 2007, por Memoria de cidades sen luz.
• Premio Arcebispo San Clemente no 2009, por Memoria de cidades sen luz.
• Premio á mellor obra de narrativa da AELG no 2009, por Memoria de cidades sen luz.
• Premio de 'Creación Literaria' da Fundación Ínsua dos Poetas no 2016.
• Premio Antón Losada Diéguez no 2017, por Aqueles días en que éramos malas.
• Premio de Xornalismo Francisco Fernández del Riego en 2019 por Terra rota publicado en La Voz de Galicia o 10/08/2018.
• Premio da Crítica de narrativa galega 2020 por O libro da filla.
• XXXIV edición do Premio de poesía Eusebio Lorenzo Baleirón no 2021, por Clepsidras.

Véxase tamén

Ligazóns externas

• Páxina da autora en Galaxia
• Ficha da autora en Xerais
• Inma López Silva na páxina web da Asociación de Escritoras e Escritores en Lingua Galega.
• Entrevista de Montse Dopico en Praza Pública