Illas do Grande Estanque de Marsala
Coordenadas: 37°52′30″N 12°27′12″L / 37.875, 12.45333333
Atención: Este artigo ou sección semella conter investigacións orixinais. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2018.) |
As illas do Grande Estanque de Marsala («Isole dello Stagnone di Marsala») son un pequeno grupo de illas do Mediterráneo, localizadas moi próximas á costa occidental de Sicilia, no municipio de Marsala (Provincia de Trapani). En italiano «stagno» significa estanque e «stagnone», grande estanque. E é debido a que a Illa Grande forma, no tramo de mar entre o Cabo de San Teodoro e o Cabo Boeo (o Lilybaeum), unha especie de gran lagoa de augas superficiais (de 1 a 2 m de profundidade aínda que nalgunhas zonas apenas chega aos 50 cm), a maior lagoa siciliana, cunhas 2.000 hectáreas, na que se localizan as outras catro illas de San Pantaleón (Mozia), Illa Grande, La Schola e Santa Maria.
A lagoa formouse en tempos relativamente recentes (non existía no momento da colonización fenicia de Mozia), tras o movemento de area debido ao actual porto se creou a Illa Grande, por acumulación ao redor de dous antigos illotes. A creación dunha parte resgardada do mar aberto, sen correntes, converteu o mar en auga estancada, cunha temperatura por encima da normal. A actividade principal de Stagnone foi a dunha salina, coa evaporación da auga canalizada en estanques especiais para, a continuación, recoller o sal. O bombeo de auga e a moenda do sal leváronse a cabo mediante muíños de vento, con algúns deles aínda conservados.
As illas, desde o ano 1984 forman parte da «Riserva naturale regionale delle Isole dello Stagnone di Marsala».
As illas editar
- Illa Grande ou «Isola Longa», é a maior illa e a súa formación separa as augas da lagoa do Mediterráneo. É relativamente nova e formada por depósitos de area ao redor de dous pequenos illotes rochosos, que se uniron para formaren a illa Grande, probablemente para a ampliación de depósitos de sal explotados polos fenicios. Na actualidade hai algúns montóns de sal nun estado de abandono, a madeira e algunhas praias de area fina. Alberga unha das poucas poboacións existentes de Calendula maritima.
- Mozia, a miúdo coñecida como Illa de San Pantaleón, de forma circular, é a máis grande das illas do Stagnone e a máis importante desde o punto de vista arqueolóxico e da paisaxe, porque nela apareceron ruínas dunha antiga colonia fenicia.
- Illa de Santa Maria é unha illa deshabitada ao norte de Stagnone en forma de encaixe. O nome deriva do santuario de Santa Maria Valleverde.
- La Scuola ou La Schola, de planta oval de aproximadamente 80x50 m é a máis pequena das illas, entre a Illa Grande e Mozia. Na época romana houbo nela unha escola de retórica, de aí deriva o nome ("Escola"). Actualmente hai tres casas nun estado de abandono e é propiedade da cidade de Marsala.