Igrexa de San Salvador de Padróns

Coordenadas: 42°13′33″N 8°31′57″O / 42.22583, -8.53250

Igrexa de San Salvador de Padróns.

A igrexa de San Salvador de Padróns é a igrexa parroquial de Padróns no concello de Ponteareas.

DescriciónEditar

Da edificación antiga só se conservan algunhas seteiras nos muros sur e norte da ábsida e a fachada occidental cunha monumental portada do século XIII.

A portada occidental é de gardapós axadrezado con tres amplas arquivoltas apuntadas, as dúas exteriores de finos baquetóns e a inferior de dúas filas de floróns.

O tímpano é liso e o lintel en que se apoia é soportado por mochetas con esculturas de anxos. Ten tres pares de columnas de fuste esvelto e monolítico con capiteis de finas follas terminadas en volutas.

Galería de imaxesEditar