Igrexa de San Pedro de Angoares

A igrexa de San Pedro de Angoares é a igrexa parroquial de Angoares, no concello de Ponteareas. É un templo románico.

Igrexa de San Pedro de Angoares
Fachada da igrexa, coa torre neogótica engadida posteriormente
País	España
Localización	Angoares (Ponteareas)
Coordenadas	42°09′57″N 8°30′12″O
[ editar datos en Wikidata ]

Descrición

Ten a súa orixe nun mosteiro probablemente visigodo. No século XII construíuse a igrexa románica como un edificio de planta de cruz latina e testeiro recto. A antiga fachada románica desapareceu logo dunha reforma feita en 1900. A actual, de estilo neogótico, carece de valor arquitectónico.

É destacable a colección de canzorros antropomorfos e zoomorfos (coma cuadrúpedes, cabezas de bóvidos e outros animais). Algúns dos personaxes esculpíronse sentados coas mans suxeitando a cabeza, como se estivesen meditando.

No muro norte da ábsida consérvase unha banda prerrománica e unha lousa con decoración de lacería que se conserva na sancristía.

Galería de imaxes

• 
  Vista lateral de igrexa.
• 
  Brazo sur do transepto.
• 
  Canzorros.
• 
  Canzorros.

Véxase tamén

• Arte románica