Igrexa de Ganthem
A igrexa de Ganthem (sueco: Ganthems kyrka) é unha igrexa medieval luterana en Ganthem, na illa sueca de Gotland, pertencente á diocese de Visby.
| Igrexa de Ganthem | |
|---|---|
 | |
| Datos xerais | |
| País |  Suecia |
| Rexión | Gotland  |
| Localización | Ganthem |
| Coordenadas | 57°30′53″N 18°34′54″L / 57.5146, 18.58171Coordenadas: 57°30′53″N 18°34′54″L / 57.5146, 18.58171 |
| Culto | |
| Culto | Igrexa de Suecia |
| Diocese | Diocese de Visby |
| [ editar datos en Wikidata ] | |
Historia e arquitectura editar
A igrexa de Ganthem é unha igrexa ben conservada de estilo románico rematada a mediados do século XIII. O coro coa súa ábsida é a parte máis antiga, datando de finais do século XII. A nave é un pouco posterior, de principios do XIII, mentres que a torre, iniciada ao mesmo tempo que a nave, rematouse na década de 1230 cun estilo gótico temperán.[1] Á parte dunha ampliación das fiestras realizada no século XIX e o engadido dunha sancristía nos anos 30 do século XX, a igrexa permaneceu sen cambios dende a súa finalización no século XIII.[2]
O interior da igrexa está decorada con frescos do século XV. Na parede norte, un conxunto de pinturas representan a Paixón de Cristo. Este conxunto é bastante peculiar xa que nunca se pintou por riba e conserva gran parte da súa vitalidade orixinal. Na parede sur hai outro conxunto de frescos con outros motivos relixiosos.[2]
A igrexa aínda conserva varios obxectos medievais. A pía bautismal é do século XII e foi atribuída ao artista Hegvald. A cruz triunfal é de ao redor do ano 1200 e atópase en moi bo estado de conservación. O retablo é unha copia do orixinal, unha peza do século XIV que agora pertence ao Museo Sueco de Historia.[2] A parroquia vendeu o retablo orixinal ao museo para reparar a torre, que colapsou nun incendio no ano 1900.[3]
Galería de imaxes editar
-
Fresco medieval -
Pía bautismal -
Fachada sur
Notas editar
- ↑ Roosval, Johnny (1952). "Kyrkor i Halla ting : norra delen" (en sueco).
- ↑ 2,0 2,1 2,2 Lagerlöf, Erland (1973). Rabén & Sjögren, ed. Gotlands kyrkor. Uddevalla. pp. 147–148. ISBN 9129410355.
- ↑ Jonson, Christer (2017). Angels et dragons : Gotland's cultural treasures. Visby: Gotlands Museum. ISBN 9789188036988. OCLC 1077527198.