Igrexa de Etelhem
A igrexa de Etelhem (sueco: Etelhems kyrka) é unha igrexa medieval luterana en Etelhem, na illa sueca de Gotland, pertencente á diocese de Visby.
| Igrexa de Etelhem | |
|---|---|
 | |
| Datos xerais | |
| País |  Suecia |
| Rexión | Gotland  |
| Localización | Etelhem |
| Coordenadas | 57°20′14″N 18°29′45″L / 57.337213, 18.495874 |
| Culto | |
| Culto | Igrexa de Suecia |
| Diocese | Diocese de Visby |
| [ editar datos en Wikidata ] | |
Historia e arquitectura
editarA primeira igrexa levantada no lugar foi probablemente unha pequena igrexa románica de pedra, da cal só se conservan algúns pequenos fagmentos. A parte máis antiga da presente igrexa principalmente gótica é a torre, construída a principios do século XIII en estilo románico. O coro e a nave deberon ser construídos ao redor do ano 1300. A sancristía é o derradeiro engadido e foi construído durante século XVII.[1]
Externamente a igrexa amosa uns poucos elementos esculpidos de orixe románica, e un portal norte tamén de estilo románico. No interior a igrexa está decorada con frescos de dous períodos distintos. Os máis antigos son do século XIV e os máis recentes, do século XV, representan apóstolos e a Paixón de Cristo. Estes últimos foron realizados polo artista coñecido como Passionsmästaren. Tamén se conservan unhas poucas vidreiras.[1]
O elemento máis destacable do seu mobiliario é a pía bautismal do século XII realizada polo escultor Hegvald. A pía está asinada con runas. A cruz triunfal é do século XIV e aínda se atopa na súa situación orixinal. A meirande parte do mobiliario posterior é do século XVII.[1]
Galería de imaxes
editar-
Vista dende o nordés -
Vidreiras -
Portal sur do coro -
Pía bautismal -
Cruz triunfal
