Igrexa de Burs

A igrexa de Burs (sueco: Burs kyrka) é unha igrexa medieval luterana en Burs, na illa sueca de Gotland, pertencente á diocese de Visby.

Igrexa de Burs
Datos xerais
País	Suecia
Rexión	Gotland
Localización	Burs
Coordenadas	57°14′44″N 18°30′31″L
Culto
Culto	Igrexa de Suecia
Diocese	Diocese de Visby
[ editar datos en Wikidata ]

Historia e arquitectura

A igrexa de Burs ten unha súa forma tan pouco común polo feito de que foi construída en distintas etapas. A nave é a súa parte máis antiga, datando de principios do século XIII. A gran torre foi construída a mediados do mesmo século, mentres que o desproporcionadamente grande coro gótico foi levantado un século despois, substituíndo un coro románico con ábsida anterior.

Externamente destaca o portal do coro. A súa entrada amosa esculturas góticas representando unha bendición de Cristo, e apóstolos e santos, ademais de ter un gran friso que abarca todo o portal, e que representa a Parábola das Dez Virxes. O coro e o seu portal foron probablemente construídos polo taller dun canteiro coñecido como Master Egypticus. O mesmo taller probablemente realizou un elaborado banco de pedra calcaria que se atopa dentro da igrexa, do cal aínda se conservan restos da súa pintura orixinal.

O interior é amplo e aireado. Do seu mobiliario destaca o retablo. É unha elaborada peza realizada en Lübeck ou no norte de Alemaña durante a primeira metade do século XV. A igrexa tamén ten unha cruz triunfal do século XIII, restos de vidreiras medievais e varios mobles do século XVIII.

A igrexa foi completamente restaurada entre 1960 e 1964.

Galería de imaxes

• 
  Capitel do portal do coro
• 
  Portal do coro
• 
  Interior
• 
  Cruz triunfal