Igrexa de Björke
A igrexa de Björke (sueco: Björke kyrka) é unha igrexa medieval luterana en Björke, na illa sueca de Gotland, pertencente á diocese de Visby.
| Igrexa de Björke | |
|---|---|
 | |
| Datos xerais | |
| País |  Suecia |
| Rexión | Gotland  |
| Localización | Björke |
| Coordenadas | 57°30′27″N 18°25′17″L / 57.50744, 18.4214Coordenadas: 57°30′27″N 18°25′17″L / 57.50744, 18.4214 |
| Culto | |
| Culto | Igrexa de Suecia |
| Diocese | Diocese de Visby |
| [ editar datos en Wikidata ] | |
Historia e arquitectura editar
A nave é a parte máis antiga da igrexa de Björke, datando de mediados do século XIII. O coro data da metade do século XIV e substitúe a un anterior da metade do tamaño que o presente.[1] Nunca se chegou a construír unha torre na igrexa.[2] A sancristía é a derradeira adición externa da igrexa, construída no ano 1860.[1]
No interior o tellado está soportado por seis bóvedas: dúas están no coro, e catro, descansando nunha columna central, na nave. Entre o mobiliario o crucifixo data do ano 1160, a pía bautismal é do século XIII e o púlpito de 1594, sendo un dos máis antigos de Gotland. O retablo é de 1911 e o barco votivo foi doado á igrexa en 2004.[1][2]
Notas editar
- ↑ 1,0 1,1 1,2 1,3 Region Gotland (ed.). "Björke kyrka". Arquivado dende o orixinal o 18 de abril de 2018. Consultado o 17 de abril de 2018.
- ↑ 2,0 2,1 Svenska Kyrkan (ed.). "Björke kyrka". Consultado o 17 de abril de 2018.