Ida Lupino

Ida Lupino
	Foto publicitaria da década de 1930
Nome completo	Edmund Preston Biden
Nacemento	4 de febreiro de 1918
Lugar	Londres
Falecemento	3 de agosto de 1995
Lugar	Os Ánxeles
Causa	Ictus
Soterrado	Forest Lawn Memorial Park (Glendale)
Nacionalidade	Reino Unido; Estados Unidos
Educada en	Royal Academy of Dramatic Art, Brighton Girls e Professional Children's School
Pai	Stanley Lupino
Nai	Connie Emerald
Cónxuxe(s)	Louis Hayward (1938-1945); Collier Young (1948 - 1951); Howard Duff (1951-1984)
Profesión	Actriz, directora
Na rede
	http://www.idalupino.com/home.html
	[ editar datos en Wikidata ]
	v; c; e;

Ida Lupino, nada en Londres o 4 de febreiro de 1918^[1] e finada nos Ánxeles (California) o 3 de agosto de 1995 foi unha actriz e directora de cinema angloestadounidense.

TraxectoriaEditar

Naceu en 1918, e non en 1914 como indican algunhas biografías,^[1] filla da actriz Connie O’Shea e do artista de music hall Stanley Lupino, membro dunha familia británica de artistas de teatro de orixe italiana.^[2] Os seus pais e o seu curmán Lupino Lane animárona a entrar no mundo do espectáculo e debutou no cinema en 1931 con The Love Race. Durante varios anos estivo a interpretar pequenos papeis.

Trala súa interpretación en The Light That Failed (1939) comezou a ser considerada seriamente como actriz dramática, pasando a realizar mellores papeis na década de 1940, cando ela se describiu como a Bette Davis dos "homes pobres".^[3]

Durante este período fíxose coñecida polos seus papeis duros e actuou en filmes como They Drive by Night (1940) e High Sierra (1941), ambas as dúas con Humphrey Bogart. A pesar de traballar de maneira regular e ser moi solicitada nesa década nunca chegou á categoría de grande estrela. En 1947 deixou Warner Bros. para converterse nunha actriz independente. En 1948 nacionalizouse estadounidense.

Lupino en 1979.

A finais dos anos corenta interesouse polo traballo detrás da cámara. En 1949 cando Elmer Clifton sufriu un ataque cardíaco e non puido finalizar Not Wanted, filme Filmways, compañía fundada por Lupino e o seu marido, Collier Young, ela mesma finalizou o filme. Despois chegaron os seus propios proxectos , que a converteron na única muller directora no Hollywood da época.^[2] Tras catro filmes “femininos” sobre temas sociais, dirixiu o seu primeiro gran filme, The Hitch-Hiker (1953), primeiro filme negro dirixido por unha muller. Lupino bromeaba dicindo que se como actriz era a "Bette Davis dos pobres", como directora era a "Don Siegel dos pobres".^[4]

En 1952 recibiu a invitación para ser a "cuarta estrela" da produtora televisiva Four Star Television, xunto a Dick Powell, David Niven e Charles Boyer, trala marcha de Joel McCrea e Rosalind Russell. Lupino seguiu actuando nas década de 1950, 1960 e 1970 e a súa actividade como directora neses anos encamiñouse case en exclusiva a producións televisivas como Alfred Hitchcock Presents, The Twilight Zone, Have Gun Will Travel, The Donna Reed Show, Gilligan's Island, 77 Sunset Strip, The Investigators, The Ghost & Mrs. Muir, The Rifleman,Batman, Sam Benedict, Bonanza, The Untouchables, The Fugitive e Bewitched. Entre 1957 e 1958 protagonizou co seu home, Howard Duff, a comedia da CBS Mr. Adams and Eve.

Cara ao final da súa carreira participou como artista invitada en numerosos programas de televisión, retirándose en 1978 aos sesenta anos de idade.

Faleceu en 1995 a causa dun accidente cerebrovascular mentres era tratada dun cancro de colon.

FilmografíaEditar

ActrizEditar

The Love Race (1931)
I Lived with You (1933)
High Finance (1933)
Her First Affaire (1933)
The Ghost Camera (1933)
Money for Speed (1933)
Prince of Arcadia (1933)
Search for Beauty (1934)
Come on Marines (1934)
Ready for Love (1934)
Paris in Spring (1935)
Smart Girl (1935)
Peter Ibbetson (1935)
Anything Goes (1936)
One Rainy Afternoon (1936)
Yours for the Asking (1936)
The Gay Desperado (1936)
Sea Devils (1937)
Let's Get Married (1937)
Artists and Models (1937)
Fight for Your Lady (1937)
The Lone Wolf Spy Hunt (1939)
The Lady and the Mob (1939)
The Adventures of Sherlock Holmes (1939)
The Light that Failed (1939)
They Drive by Night (1940)
High Sierra (1941)
The Sea Wolf (1941)
Out of the Fog (1941)
Ladies in Retirement (1941)
Moontide (1942)
Life Begins at Eight-Thirty (1942)
Forever and a Day (1943)
The Hard Way (1943)
Thank Your Lucky Stars (1943)
In Our Time (1944)
Hollywood Canteen (1944)
Pillow to Post (1945)
Devotion (1946)
The Man I Love (1947)
Deep Valley (1947)
Escape Me Never (1947)
Road House (1948)
Lust for Gold (1949)
Woman in Hiding (1950)
Outrage (1950)
Hard, Fast and Beautiful (1951)
On the Loose (1951) (narradora)
A casa en sombras (1952)
Beware, My Lovely (1952)
Jennifer (1953)
O bígamo (1953)
Private Hell 36 (1954)
Women's Prison (1955)
The Big Knife (1955)
While the City Sleeps (1956)
Strange Intruder (1956)
Deadhead Miles (1972)
Junior Bonner (1972)
The Devil's Rain (1975)
The Food of the Gods (1976)
My Boys Are Good Boys (1978)

Como directoraEditar

Not Wanted (1949) (sen acreditar)
Never Fear (1949)
Outrage (1950)
Hard, Fast and Beautiful (1951)
A casa en sombras (1952) (sen acreditar)
The Hitch-Hiker (1953)
O bígamo (1953)
Private Hell 36 (1954)
The Trouble with Angels (1966)

NotasEditar

↑ ^1,0 ^1,1 Rexistrada en Births Mar 1918 Camberwell Vol.1d páxina 1019 (Free BMD). Transcrito como "Lupine" no índice oficial de nacementos.
↑ ^2,0 ^2,1 Allmovie Biography Arquivado 30 de maio de 2020 en Wayback Machine.
↑ Katz, Ephraim; Klein, Fred; Nolan, Ronald Dean (1998). HarperPerennial, ed. The Film Encyclopedia (en inglés) (3rd Edition ed.). Nova York. pp. 858. ISBN 0-06-273492-X.
↑ Wood, Bret. Turner Classic Movies Online, ed. "Outrage (1950)". Arquivado dende o orixinal o 08 de febreiro de 2009. Consultado o 10 de agosto de 2008.

Véxase taménEditar

Ligazóns externasEditar

Ida Lupino na IMDb (en inglés).
Ida Lupino en Turner Classic Movies
Ida Lupino en Find A Grave

[birth-1] 1,0 ^1,1 Rexistrada en Births Mar 1918 Camberwell Vol.1d páxina 1019 (Free BMD). Transcrito como "Lupine" no índice oficial de nacementos.

[amgbio-2] 2,0 ^2,1 Allmovie Biography Arquivado 30 de maio de 2020 en Wayback Machine.

[3] Katz, Ephraim; Klein, Fred; Nolan, Ronald Dean (1998). HarperPerennial, ed. The Film Encyclopedia (en inglés) (3rd Edition ed.). Nova York. pp. 858. ISBN 0-06-273492-X.

[4] Wood, Bret. Turner Classic Movies Online, ed. "Outrage (1950)". Arquivado dende o orixinal o 08 de febreiro de 2009. Consultado o 10 de agosto de 2008.

[1]

[2]

[3]

[4]