I Now Pronounce You Chuck and Larry

I Now Pronounce You Chuck and Larry é un filme estadounidense do xénero comedia, protagonizado por Adam Sandler. O filme fai unha crítica sutil á actual situación dos homosexuais nos Estados Unidos, aínda que con moitos tópicos. A Conferencia Católica de Bispos de EUA categorizouno de "Moralmente Ofensivo"."

I Now Pronounce You Chuck and Larry
Ficha técnica
Título orixinal	I Now Pronounce You Chuck and Larry
Director	Dennis Dugan
Guión	Barry Fanaro Alexander Payne Jim Taylor
Intérpretes	Adam Sandler Kevin James Jessica Biel Dan Aykroyd Ving Rhames Steve Buscemi
Estrea	2007
Duración	110 min.
Orixe	Estados Unidos
Xénero	Comedia

Sinopse

Chuck Levine (Adam Sandler) e Larry Valentine (Kevin James) son dous membros do Corpo de Bombeiros do Brooklyn, sendo tamén bos amigos. Chuck promételle calquera cousa a Larry por terlle salvado a vida un día no traballo, e Larry, viúvo, preocupado polos problemas legais de non dar feito que os seus fillos aparezan como beneficiarios do seu seguro de vida, decide pedirlle matrimonio a Chuck. Este, a pesar de ser moi mullereiro, acepta, mais despois, tense que ir vivir con Larry e aparentar que son homosexuais pois a súa unión está sendo investigada e poden acabar na cadea.

Elenco

• Adam Sandler .... Charles "Chuck" Levine
• Kevin James .... Lawrence "Larry" Valentine
• Jessica Biel .... Alex McDonough
• Dan Aykroyd .... Capitán Phineas J. Tucker
• Ving Rhames .... Fred G. Duncan
• Steve Buscemi .... Clinton Fitzer
• Nicholas Turturro .... Renaldo Pinera
• Allen Covert .... Steve
• Nick Swardson .... Kevin McDonough
• Mary Pat Gleason .... Teresa
• Matt Winston .... Glen Aldrich
• Gary Valentine .... Karl Eisendorf
• Jonathan Loughran .... David Nootzie
• Richard Kline .... Sr. Auerbach
• Peter Dante .... Tony Paroni
• Cole Morgen .... Eric Valentine
• Shelby Adamowsky .... Tori Valentine
• Brad Grunberg .... Bernie
• Chandra West .... Dra. Honey
• Rob Schneider .... Pastor xaponés
• Rachel Dratch .... supervisora de beneficios
• Lance Bass .... el mesmo
• David Spade .... danzante transexual
• Tila Tequila .... empregada do restaurante Hooters
• Dave Matthews .... vendedor de roupa homosexual

Curiosidades

• Este é o primeiro filme de Adam Sandler con David Spade desde Coneheads (1993).
• David Spade fai un cameo no filme como bailarina travestí, tal como Tila Tequila, que aparece como empregada de restaurante Hooters.
• Rob Corddry do Daily Show aparece como pastor protestando contra o casamento entre persoas do mesmo sexo. Ao contrario do seu traballo habitual, este é un papel non cómico.
• O creador de TV Funhouse, Robert Smigel, aparece no filme como Ron o carteiro.
• Jennifer Love Hewitt foi convidada para o papel de Jessica Biel neste filme, mais recusou debido a conflitos de axenda.
• Alexander Payne e Jim Taylor escribiron o guión, o seu primeiro guión xuntos despois de teren gañado o Óscar de mellor guión adaptado polo filme Sideways de 2004.
• O músico Dave Matthews aparece como vendedor efeminado no medio da película.
• Os dous equipos de béisbol de Nova York aparecen ben representados no filme. Na vida real, Sandler e James son grandes adeptos dos Yankees e Mets, respectivamente.
• Dan Patrick, comentador deportivo veterano, aparece no filme no papel dun dos policías de Nova York.
• O libro que Adam Sandler lle le aos fillos de Larry, The Puppy Who Lost His Way, tamén aparece en Billy Madison (1995).
• Diversos segmentos presentados nas estreas foron retirados no filme final para obter clasificación PG-13.
• Lance Bass aparece no final do filme cantando.
• Kevin James dixo no programa de televisión Tonight Show with Jay Leno que o filme foi baseado nun incidente semellante dun bombeiro de Filadelfia.
• Este é o segundo filme no que Adam Sandler fai de bombeiro. O outro foi Mr. Deeds (2002), no cal é bombeiro voluntario en Mandrake Falls, Nova Hampshire.
• O realizador Dennis Dugan fixo no pasado o papel dun mozo homosexual no filme Norman, Is That You? (1976).

Véxase tamén

Ligazóns externas

• Chuck and Larry no All Movie Guide