Ivar Leimus
Ivar Leimus, nado en Võru o 3 de xuño de 1953, é un numismático e historiador estoniano.
 Ivar Leimus en 2010 | |
| Biografía | |
|---|---|
| Nacemento | 3 de xuño de 1953 Võru, Estonia  |
| Datos persoais | |
| País de nacionalidade |  Estoniano. |
| Educación |  Universidade de Tartu. |
| Actividade | |
| Campo de traballo | Numismática e historia. |
| Ocupación | numismático , tradutor , historiador |
| Membro de | |
| Premios | |
| (1994): Artur Puksow. (2010): S. Shamma (RNS). (2019): Premio da GIG. | |
Lista
| |
Traxectoria editar
Ivar Leimus naceu o 3 de xuño de 1953[1] na vila de Võru, no condado homónimo da daquela chamada República Socialista Soviética de Estonia.
Leimus cursou os seus estudos superiores de Historia, Arqueoloxía e Historia da Arte na Universidade de Tartu, onde se graduou en 1976, cunha memoria acerca dos achados monetarios dos séculos IX a XVII na Estonia occidental e en Saaremaa.[2] Posteriormente, acadou o seu doutoramento en 1989, cunha tese sobre as cuñaxes livonias do século XVI, dirixida por Arkadi Molvõgin, que foi publicada en 1995.[1][3]
Desde o momento da súa graduación en 1976 desenvolve o seu labor profesional como conservador de moeda no Museo Histórico de Estonia (Eesti Ajaloomuuseum),[4] en Talín, do que foi director adxunto de investigación entre 2006 e 2008. Paralelamente, impartiu docencia no Instituto de Historia da Universidade de Tartu e noutras institucións académicas.[1][2]
En 1999 foi nomeado membro correspondente da Sociedade Finlandesa de Anticuarios. Entre 2002 e 2003 presidiu a Sociedade Académica de Historia (Akadeemiline Ajalooselts) e en 2007 ingresou na Comisión Histórica do Báltico (Baltische Historische Kommission). Así mesmo, entre 2005 e 2008 foi o presidente fundador da Asociación de Numismáticos do Báltico.[1][2]
As súas investigacións, publicadas fundamentalmente en estoniano, en alemán e en inglés, céntranse sobre todo nas cuñaxes e na historia monetaria dos estados bálticos desde a Idade Media ata a época moderna e está considerado un experto en achados monetarios de moeda viquinga.[1][2]
Recoñecementos editar
- (1994): Premio Artur Puksowi de Estudos Medievais.[1][2]
- (2007): Orde da Estrela Branca (cuarta clase) da República de Estonia.[5]
- (2007): Premio Cultural da República de Estonia.[6]
- (2011): Premio Samir Shamma, da Royal Numismatic Society, de Londres.[1][2]
- (2011): Premio de Investigación dos Museos Estonianos.[1]
- (2019): Premio da Sociedade de Historia Monetaria Internacional, de Frankfurt.[1][2][7]
Publicacións editar
Ivar Leimus é autor de decenas de artigos e colaboracións en materia numismática publicados en diversas revistas especializadas e volumes conxuntos, ademais dalgúns traballos monográficos, dos que a seguir se citan os máis significativos:[8][9][10]
Escolma de monografías editar
- (1986). Der Münzfund von Kose aus dem zweiten Viertel des 12. Jahrhunderts. Eesti Raamat, Talín.
- (1993). Eesti Vabariigi rahad, 1918-1992 / Coins and banknotes of the Republic of Estonia, 1918-1992. Olion, Talín. ISBN 9785460002146
- (1995). Das Münzwesen Livlands im 16. Jahrhundert. (1515-1581/94). Stockholm Numismatic Institute, Stockholm University. ISBN 91-972706-0-1
- (2001). Estonian Collections. Anglo-Saxon, Anglo-Norman and later British Coins [Sylloge of Coins of the British Isles. 51] (con Arkadi Molvõgin). Oxford University Press, Oxford. ISBN 0-19-726220-1
- (2007). Sylloge of Islamic coins 710/1 - 1013/4 AD. Estonian public collections. Estonian History Museum, Talín. ISBN 978-9949-15-255-1
Notas editar
- ↑ 1,0 1,1 1,2 1,3 1,4 1,5 1,6 1,7 1,8 "CV: Ivar Leimus". Estonian Research Information System (www.etis.ee).
- ↑ 2,0 2,1 2,2 2,3 2,4 2,5 2,6 "Leimus, Ivar". En Coins Weekly. 7 de setembro de 2016.
- ↑ Véxase (1995) en "Publicacións".
- ↑ "Department of Collections and Research Arquivado 26 de xaneiro de 2022 en Wayback Machine.". Ajaloomuuseum.
- ↑ "Bearers of Decorations". Office of the President of the Republic (www.president.ee)
- ↑ "2007. Aasta Kultuuripreemiad". Kultuuriministeerium.
- ↑ "GIG-Ehrenpreisträger". Gesellschaft für Internationale Geldgeschichte.
- ↑ "Leimus, Ivar Akselevic 1953- Arquivado 26 de xaneiro de 2022 en Wayback Machine.". Digital Library Numis.
- ↑ "Ivar Leimus". Academia.edu
- ↑ "CV: Ivar Leimus: Publications". Estonian Research Information System (www.etis.ee).