H. P. Lovecraft

Howard Phillips Lovecraft, nado en Providence, Rhode Island, o 20 de agosto de 1890 e finado no mesmo lugar o 15 de marzo de 1937, é un escritor en lingua inglesa ao que se considera herdeiro da narrativa de Edgar Allan Poe.^{[Cómpre referencia]}

H. P. Lovecraft

(1934)
Nome orixinal	(en) Howard Phillips Lovecraft
Biografía
Nacemento	20 de agosto de 1890 Providence, Estados Unidos de América
Morte	15 de marzo de 1937 (46 anos) Providence, Estados Unidos de América
Causa da morte	Morte natural  (Cancro do intestino delgado )
Lugar de sepultura	Swan Point Cemetery (en) 41°51′14″N 71°22′52″O
Datos persoais
País de nacionalidade	Estados Unidos de América
Relixión	Ateísmo
Educación	Hope High School (en)
Actividade
Campo de traballo	Ficción de horror, Weird fiction (pt) , Escrita creativa e profesional, belas letras, literatura fantástica (pt) e literatura de terror
Lugar de traballo	Providence
Ocupación	novelista , escritor de ciencia ficción , ensaísta , xornalista , poeta , escritor
Período de actividade	1917 - 15 de marzo de 1937
Xénero artístico	Mistério (pt) , Fantasía, novela gótica, ciencia ficción, cosmicismo (pt) , literatura de terror, terror lovecraftiano (pt) , body horror literature (en) e Weird fiction (pt)
Influencias	Robert W. Chambers (pt) , Edgar Allan Poe, Arthur Machen e Lord Dunsany
Pseudónimo literario	Ward Phillips
Lingua	Lingua inglesa
Obra
Obras destacables (1919) Beyond the Wall of Sleep (en) (1920) The Cats of Ulthar (en) (1926) The Call of Cthulhu (pt) (1927) The Case of Charles Dexter Ward (pt) (1927) The Dream-Quest of Unknown Kadath (en) (1931) At the Mountains of Madness (pt) (1931) The Shadow Over Innsmouth (en) (1935) The Shadow Out of Time (en)
Arquivos en	John Hay Library (en) Elmer L. Andersen Library (en) Mss047
Familia
Cónxuxe	Sonia Greene (en) (1924–1926)
Pais	Winfield Scott Lovecraft (en)   e Sarah Susan Phillips Lovecraft (en)
Parentes	Whipple Van Buren Phillips (pt) (avó materno)
Premios (2020)  Retro Hugo Award (en) , premiado polo traballo Mitos de Cthulhu (pt) (2020)  Retro Hugo Award for Best Series (en) , premiado polo traballo Mitos de Cthulhu (pt) (2016)  Science Fiction and Fantasy Hall of Fame
Sinatura
Páxina web	hplovecraft.com

Traxectoria

Unha das constantes da vida de Lovecraft foi a enfermidade, que o acompañou dende moi neno. Tamén de neno sufriu constantemente os insultos da súa nai, quen o chamaba "feo". Isto, engadido ós seus constantes pesadelos, prefiguraron a parte principal dos ingredientes da súa obra.

As súas primeiras historias viron a luz en 1905, cando comezou a escribir para gañar a vida. Tamén comezou a manter correspondencia con multitude de escritores, entre os cales, e baixo a súa supervisión, configuraron os Mitos de Cthulhu.

Etapas narrativas

A súa obra distingue dúas partes principais: a chamada época "dunsaniana" e a época de apoxeo dos mitos.

A época dunsaniana de Lovecraft componse de relatos moi oníricos. Exemplo deles son as aventuras oníricas de Randolf Carter, como A declaración de Randolf Carter.

Na segunda época, Lovecraft deu renda solta ós seus medos e horrores. Nos seus mitos (e a diferenza de Derleth e os demais colaboradores) atópanse un exacerbado pesimismo, unha angustiosa soidade e frustración. A linguaxe descritiva, por exemplo, é redundante e atafegante. Obras desta época son Nas montañas da loucura ou A sombra que caeu sobre Insmouth.

O máis destacable da súa obra é a creación dos Mitos de Cthulhu. Na mesma acabaron colaborando varios dos escritores con quen mantiña correspondencia. O máis destacable deles é August Derleth, ademais de Forrest J. Ackerman, Robert Bloch e Robert E. Howard. A relación entre eles era tan estreita que non dubidaban incluso en introducirse uns aos outros coma personaxes das súas obras.

A grandes trazos, os Mitos de Cthulhu son unha mitoloxía novelesca sustentada por referencias a libros canónicos, piares dun suposto coñecemento esquecido e horrible. A principal obra é o Necronomicon. Os libros tratarían de varias supostas civilizacións perdidas e esquecidas, moi anteriores á presenza do ser humano no planeta.

Véxase tamén

Bibliografía

• O relato fantástico: de Poe a Lovecraft, intro. de G. Navaza, trad. de Ricardo Terco. Ir Indo.