Howard Carter

Arqueólogo e exipólogo inglés

Howard Carter, nado o 9 de maio de 1874 e finado o 2 de marzo de 1939, foi un arqueólogo e exiptólogo inglés, que se fixo moi famoso por descubrir, en 1922, a tumba de Tutankhamon (Tut-Ankh-Amon), no Val dos Reis, fronte a Luxor, en Exipto.

Howard Carter
Nacemento9 de maio de 1874 e 1873
Lugar de nacementoBrompton e Londres
Falecemento2 de marzo de 1939 e 1939
Lugar de falecementoLondres
CausaLinfoma
SoterradoPutney Vale Cemetery
NacionalidadeReino Unido
EtniaPobo británico
Ocupaciónantropólogo, arqueólogo, exiptólogo e necropolis scholar
PremiosOrde do Nilo e Ordem de Leopoldo II
Na rede
Musicbrainz: 04fb4ab1-599e-4ca6-93cf-3efb140d83d0 Discogs: 496645 WikiTree: Carter-14606 Find a Grave: 3665 Editar o valor em Wikidata
editar datos en Wikidata ]

Traxectoria editar

Naceu en Kensington, Londres, sendo o menor dunha familia de once irmáns. O seu pai, Samuel Carter, era artista. Carter creceu en Swaffam, ao norte de Norfolk, sen recibir educación formal; o seu pai ensinoulle os fundamentos do debuxo e a pintura.

Carter comezou os seus traballos en Exipto en 1891, aos 17 anos, copiando inscricións e pinturas. Estivo na escavación de Beni Hasan. Posteriormente pasou á tutela de William Flinders Petrie.

En 1899, comezou a traballar para o Servizo de Antigüidades Exipcias, o cal abandonou en 1905 logo dunha disputa. Tras varios anos difíciles, en 1907 coñece a Lord Carnarvon, un entusiasta nobre afeccionado á arqueoloxía e disposto a proporcionar os fondos necesarios para continuar o traballo de Carter. Pronto, Carter supervisaba todas as escavacións de Lord Carnarvon.

A tumba de Tutankhamon editar

 
Máscara de Tutankhamon no Museo Exipcio do Cairo

Lord Carnarvon financiou a procura da tumba dun faraón descoñecido, Tutankhamon, cuxa existencia fora descuberta por Carter. O 4 de novembro de 1922 Carter achou a tumba de Tutankhamon (posteriormente designada KV62), a tumba faraónica mellor conservada (de feito, case intacta) xamais atopada, no Val dos Reis. Xunto a Lord Carnarvon, o 16 de febreiro de 1923, Carter abriu a cámara e foi o primeiro en ver o sarcófago de Tutankhamon.

Tras catalogar os extensos achados, Carter retirouse da arqueoloxía converténdose en coleccionista. Morreu en Inglaterra en 1939 aos 65 anos. A súa morte a esta avanzada idade é a evidencia máis común esgrimida para refutar a lenda da "maldición dos faraóns" que supostamente recaeu sobre o grupo que profanou a tumba de Tutankhamon, aínda que é certo que o canario de Howard Carter foi engulido por unha cobra (no antigo Exipto a cobra era un símbolo de protección do faraón) pouco despois do descubrimento da tumba.

Howard Carter foi enterrado no cemiterio de Putney Vale, ao oeste de Londres.

Véxase tamén editar

 
A casa de Howard Carter na necrópole de Tebana

Bibliografía editar

  • T.G.H James, Howard Carter ; The Path to Tutankhamun, Londres: Tauris Parke, 2001.
  • Reeves, N. and Taylor, J.H., Howard Carter: Before Tutankhamun, Londres: British Museum Press, 1992.
  • The History Of Howard Carter polo Dr. Thomas Schwarz

Ligazóns externas editar