Henryk Sienkiewicz

Henryk Adam Aleksander Pius Sienkiewicz de Oszyk, nado en Wola Okrzejska o 5 de maio de 1846 e finado en Vevey (Suíza) o 15 de novembro de 1916, foi un escritor polaco, Premio Nobel de Literatura en 1905.

Henryk Adam Aleksander Pius Sienkiewicz
Nome completo	Henryk Adam Aleksander Pius Sienkiewicz
Nacemento	5 de maio de 1846
	Wola Okrzejska, Polonia
Falecemento	15 de novembro de 1916
	Vevey, Suíza
Causa	doenza cardiovascular e aneurisma da aorta
Soterrado	St. John's Archcathedral
Nacionalidade	Imperio Ruso e Polonia
Etnia	Pobo polaco
Relixión	Igrexa católica e catolicismo
Alma máter	Universidade de Varsovia
Ocupación	novelista, guionista, xornalista e escritor
Cónxuxe	Maria Szetkiewicz, Maria Romanowska-Wołodkowicz e Maria Babska
Fillos	Jadwiga Korniłowiczowa
Xéneros	novela
Coñecido/a por	Janko Muzykant, With Fire and Sword, The Deluge, Fire in the Steppe, Quo Vadis?, The Knights of the Cross e In Desert and Wilderness
Premios	Premio Nobel de Literatura e Cabaleiro da Lexión de Honra
Na rede
[ editar datos en Wikidata ]

Foi o quinto premio Nobel (1905) na historia do galardón e o primeiro de Europa Oriental.

Biografía

Iniciouse como xornalista en 1869, realizando varias viaxes entre 1876 e 1879, e traballando nos Estados Unidos como enviado especial entre 1876 e 1878. En 1882 foi nomeado director do xornal conservador Słowo.

Non só destacou polos seus dotes literarios, senón como un gran defensor da súa, por entón, oprimida patria polaca. Sendo xa un prestixioso xornalista e gran defensor da causa de Polonia, dirixiu unha carta aberta a Guillerme II de Alemaña na que se opuña á xermanización da Posnania , atraendo a atención mundial sobre o futuro do seu país, que por aquel momento se achába baixo o dominio de Rusia, Alemaña e Austria-Hungría.

Nos comezos da primeira guerra mundial atopábase en Suíza, onde formou, xunto con Paderewski, o comité para as vítimas da guerra en Polonia.

Especializado en temas sociais, foi moi popular no seu tempo, aínda que agora é apenas lido. As súas obras máis importantes refírense aos problemas sociais dos labregos e aos sectores baixos en Polonia. As súas cinzas descansan na Catedral de San Xoán en Varsovia.

As obras de Sienkiewicz, traducidas a máis de corenta idiomas, convérteno nun dos autores máis lidos do século xx.

Triloxía

Conseguiu unha gran fama coa publicación da súa triloxía sobre a loita polaca fronte ás invasións do século XVII: Ogniem i mieczem (1884), Potop. (1886), e Pan Woŧodyjowski. (1888), unha moderna epopea considerada como un dos grandes relatos épicos de todos os tempos. Nestes tres libros, o premio Nobel polaco presenta universais historias de amor e de guerra a través de personaxes soberbiamente construídos, conxuras e unha acción trepidante que nos fala de cuestións imperecedeiras, todo iso encadrado no medio de magníficas recreacións históricas.

Sienkiewicz, mestre consumado do máis recio realismo, sabe brindar como ninguén unha ampla visión sobre un dos momentos decisivos no proceso de configuración política de Rusia, Polonia, Lituania e Ucraína, relatando as ameazas que fixeron perigar a existencia da nación polaca e que cambiaron a cara de Europa oriental durante o século XVII e narrando tamén a vida homes e mulleres tráxicamente separados pola imprudencia e o orgullo, vítimas de sucesivas ondas de invasións estranxeiras que dividiron a Polonia contra si mesma, revelando o mellor e o peor de cada persoa.

Outras obras

Son tamén moi lembradas: Bez dogmatu (1891), Rodzina Poŧanieckich.' (1894), e Krzyzacy. (1900).

Tamén son notables as súas novelas curtas Bartek Zwyciêzca. (1882) e Sachem (1889).

Quo Vadis

A súa novela máis famosa hoxe en día é Quo Vadis?, (1896), levada repetidas veces ao cine, na cal a través dos sufrimentos dos cristiáns no reinado de Nerón fai unha crítica da opresión da propia Polonia.

Véxase tamén

Ligazóns externas

• Museum Oblegorek