Heinz Guderian
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2014.) |
Heinz Guderian, nado en Klum (na actualidade en Polonia) o 17 de xuño de 1888 e finado en Schwangau bei Fussen (RFA) 14 de maio de 1954, foi un xeneral de blindados alemán. É coñecido por ser o ideólogo do Blitzkrieg (Guerra Lóstrego), no seu libro Achtung Panzers! ("¡Coidado, tanques!").
| Heinz Guderian | |
|---|---|
 | |
| Nome completo | Heinz Wilhelm Guderian |
| Nacemento | 17 de xuño de 1888 |
| Lugar de nacemento | Chełmno |
| Falecemento | 14 de maio de 1954 |
| Lugar de falecemento | Schwangau |
| Soterrado | Goslar |
| Nacionalidade | Alemaña |
| Ocupación | escritor e militar |
| Cónxuxe | Margarete Goerne |
| Fillos | Heinz Günther Guderian |
| Premios | Cruz de Cavaleiro da Cruz de Ferro com Folhas de Carvalho, Ordem de Frederico, Clasp to the Iron Cross, Cruz de Honra, Medalha Anschluss, Medalha dos Sudetos, Medalha Militar de Longo Serviço, Order of the Saxe-Ernestine e Order of St. Sava |
| Na rede | |
   | |
 | |
| [ editar datos en Wikidata ] | |
TraxectoriaEditar
Asistiu á Academia Militar de Berlín entre 1901 e 1907. En 1908 exerceu como segundo tenente no batallón Jäger nº 10, ás ordes do seu pai.
Casou en 1913. Froito dese matrimonio tivo dous fillos, que tamén acabaron no exército alemán.
En 1915 pasou a ser capitán, especializándose no uso da radio. En 1918, rematada a I Guerra Mundial, pasou a formar parte do Alto Estado Maior do Reichwehr. Entre 1924 e 1935 escribiu numerosos artigos sobre a guerra mecanizada no Military Weekly.
En 1930 asume o mando do 3º Batallón prusiano de Transporte Motorizado. Parte dos carros blindados deste batallón son maquetas de madeira. Guderian adestra ós seus oficiais con motocicletas e camións. Ese mesmo ano ascende a tenente coronel, e en 1931 ascende a coronel.
En 1933 Hitler rechaza o Tratado de Versalles e ordena a formación de tres divisións blindadas. Guderian pasa a comandar a segunda, como Maior Xeneral. En 1938, xa como Tenente Xeneral, conduce o XVI Corpo do Exército da Wehrmacht a Austria e Checoslovaquia.
En 1939 é nomeado Xeneral de tódalas Panzertruppen. Será o responsable do reclutamento, adestramento e equipamento de tódalas unidades motorizadas. Na invasión de Polonia recibe a Cruz de Ferro de Primeira clase e a Cruz de Cabaleiro.
En 1940 os carros blindados alemáns que entran en Francia por Sedan levan un gran "G" pintado na blindaxe na súa honra. En 1941 comanda o II Exército Panzer e recibe as Follas de Carballo para a súa Cruz de Cabaleiro. É relevado do servizo activo tras ter diferenzas de opinión co seu superior, Mariscal de Campo von Kluge.
En 1943 Hitler chámao para formar un grupo de traballo con Albert Speer, Ministro de Armamento. Comeza a incrementarse a produción de tanques. En decembro de 1944, en tres semanas Alemaña produce tantos tanques como en todo 1939.
En 1945, por desacordos con Hitler, é novamente relevado. Trala rendición alemá, os aliados deciden non xulgalo en Nuremberg como criminal de guerra. Sae da prisión de Allendorf en 1948 e volve coa súa familia.