Heinrich Rudolf Hertz

físico alemán
(Redirección desde «Heinrich Hertz»)

Heinrich Rudolf Hertz, nado en Hamburgo o 22 de febreiro de 1857 e finado en Bonn o 1 de xaneiro de 1894, foi un físico alemán. Na súa honra noméase hertz á unidade de frecuencia do SE.

Heinrich Rudolf Hertz
Heinrich Hertz cara 1893
Datos persoais
Nacemento22 de febreiro de 1857
LugarHamburgo, Confederación Xermánica
Falecemento1 de xaneiro de 1894
(36 anos)
LugarBonn, Imperio Alemán
Causasepse
SoterradoCemitério de Ohlsdorf
ResidenciaAlemaña Alemaña
Nacionalidadealemán
CónxuxeElizabeth Doll
FillosMathilde Carmen Hertz e Johanna Hertz
Actividade
CampoFísica
Electromagnetismo
Alma máterUniversidade de Múnic, Universidade Humboldt de Berlín, Universidade Técnica de Múnic, Universidade Técnica de Dresden e Gelehrtenschule des Johanneums
Director de teseHermann von Helmholtz
Contribucións e premios
Coñecido porRadiación electromagnética
Efecto fotoeléctrico
PremiosMedalha Rumford, Medalla Matteucci, Prix La Caze e Prêmio Bressa
editar datos en Wikidata ]

En 1888, foi o primeiro en demostrar a existencia da radiación electromagnética construíndo un aparello para producir ondas de radio.

Traxectoria editar

Naceu no seo dunha familia xudía que se converteu ao cristianismo. O seu pai era conselleiro en Hamburgo, a súa nai a filla dun médico rico.

Mentres estudaba na Universidade de Berlín, demostrou aptitudes tanto para as ciencias como para as linguas, aprendendo árabe e sánscrito. Estudou ciencias e enxeñaría nas cidades alemás de Dresde, Múnic e Berlín. Foi estudante de Gustav Kirchhoff e Hermann von Helmholtz.

Obtivo o seu doutoramento en 1880 e continuou como pupilo de Helmholtz ata 1883, ano no que foi nomeado profesor de física teórica na universidade de Kiel. En 1885 fíxose profesor na universidade de Karlsruhe, onde descubriu as ondas electromagnéticas.

A partir do experimento de Michelson en 1881 (precursor do experimento de Michelson-Morley en 1887), que refutou a existencia do éter luminífero, Hertz reformulou as ecuacións de Maxwell para ter en conta o novo descubrimento. Probou experimentalmente que os sinais eléctricos poden viaxar a través do ar libre, como predeciran James Clerk Maxwell e Michael Faraday.

Tamén descubriu o efecto fotoeléctrico (explicado máis adiante por Albert Einstein) ao se decatar que un obxecto cargado perde a súa carga máis doadamente ao ser iluminado pola luz ultravioleta.

Morreu de septicemia con 37 anos. O seu sobriño Gustav Ludwig Hertz foi gañador do premio Nobel, e o fillo de Gustav, Carl Hellmuth Hertz, inventou a ultrasonografía médica.

Véxase tamén editar