Harriet Taylor Mill
Harriet Taylor Mill, de solteira Harriet Hardy, nada en Londres o 8 de outubro de 1807 e finada en Aviñón o 3 de novembro de 1858, foi unha filósofa inglesa defensora dos dereitos das mulleres.
  | |
| Biografía | |
|---|---|
| Nacemento | (en) Harriet Hardy 8 de outubro de 1807 Londres |
| Morte | 3 de novembro de 1858 (51 anos) Aviñón, Francia |
| Causa da morte | Morte natural (Tuberculose ) |
| Lugar de sepultura | Cimetière Saint-Véran (en)  |
| Datos persoais | |
| País de nacionalidade | Reino Unido de Gran Bretaña e Irlanda |
| Actividade | |
| Campo de traballo | Poesía |
| Ocupación | filósofa , economista , escritora , poeta , sufraxista |
| Lingua | Lingua inglesa |
| Familia | |
| Cónxuxe | John Stuart Mill |
| Fillos | Helen Taylor (pt) |
| Irmáns | Arthur Hardy (en) |
  | |
O seu corpus de escritura existente é moi pequeno e é lembrada pola súa grande influencia en John Stuart Mill do que se considera posíbel coautora de parte da súa obra.
Obra editar
Con excepción dalgúns artigos publicados no xornal inglés Monthly Repository, Taylor publicou poucas obras asinadas por ela ao longo da súa vida. Non obstante, leu e comentou todo o material producido por John Stuart Mill (que, na súa autobiografía, afirmou que Harriet era a coautora de moitos libros e artigos que foron publicados baixo o seu nome, engadindo que "cando dúas persoas teñen en común os seus pensamentos e especulacións, é de pouca importancia, en relación á cuestión da orixinalidade, quen deles ten a pluma").[1]
Tamén escribiron xuntos Early Essays on Marriage and Divorce en 1832[2]
Unha carta escrita por Mill a partir de 1854 suxire que Taylor foi refractaria a ser descrita como a coautora dos seus libros e artigos pola posíbel resposta a un texto filosófico que fose publicado só baixo o nome de Mill en comparación co feito de que fose publicado baixo o nome de ambos os dous autores.
Mill adoitaba referirse a ela como unha contribuínte moi valiosa para gran parte do seu traballo, especialmente no libro titulado On Liberty, un libro que estaría dedicado a Taylor cando foi publicado en 1859, un ano máis tarde da morte de Harriet.
Notas editar
- ↑ Stanford Encyclopedia of Philosophy (ed.). "Harriet Taylor Mill" (en inglés). Consultado o xaneiro de 2015.
- ↑ Indiana University Northwest (ed.). "Early liberal thought and practice" (PDF) (en inglés). Arquivado dende o orixinal (PDF) o 04 de marzo de 2016. Consultado o xaneiro de 2015.
Véxase tamén editar
Bibliografía editar
- Rossi, Alice S. (1970). Sentiment and Intellect: The Story of John Stuart Mill and Harriet Taylor Mill, en Rossi, Alice S. (Ed), Essays on Sex Equality. The University of Chicago Press.
Ligazóns externas editar
Wikimedia Commons ten máis contidos multimedia na categoría: Harriet Taylor Mill  |
- Stanford Encyclopedia of Philosophy entry (en inglés).
- Biography, Quotes, Writings (en inglés).
- Catalogue of Harriet Taylor Mill's correspondence and other papers na Archives Division Arquivado 18 de xuño de 2007 en Wayback Machine. da London School of Economics (en inglés).