Hakon Ahlberg

arquitecto sueco

Hakon Ahlberg, nado o 10 de xuño de 1891 en Harplinge e finado o 12 de marzo de 1984 en Estocolmo, foi un arquitecto, editor e autor sueco. Coñecido por ser o arquitecto oficial da restauración do Castelo de Gripsholm, cerca da cidade de Mariefred no centro de Suecia.

Hakon Ahlberg
Nacemento10 de xuño de 1891
Lugar de nacementoLaholm e Laholms församling
Falecemento1 de marzo de 1984 e 12 de marzo de 1984
Lugar de falecementoEstocolmo e Oscar Parish
NacionalidadeSuecia
Alma máterInstituto Real de Tecnologia
Ocupaciónarquitecto e editor colaborador
PaiAxel Ahlberg
NaiAnna Ahlberg
CónxuxeEllen Nisser e Elisabeth Waldenström
IrmánsAlf Ahlberg
Coñecido porMälarhöjden Church e Stora Sköndal Church
PremiosMedalha Príncipe Eugénio e Premio Alvar Aalto
editar datos en Wikidata ]
Castelo de Gripsholm en 2004.
Igrexa de Mälarhöjdens, Estocolmo, 1929.

Traxectoria editar

Ahlberg estudou arquitectura no Instituto Real de Tecnoloxía, rematando en 1914. Tamén realizou estudos na Real Academia Sueca das Artes entre 1914 e 1917, influído fortemente por un dos seus mestres, Ivar Tengbom. Foi un do membros fundadores e primeiro presidente da SAR (Asociación de Arquitectos de Suecia), e tamén presidente da Academia Sueca de Belas Artes entre 1954 e 1962. Foi editor xefe das revistas de arquitectura Arkitekten e Byggmästaren, e participou activamente no debate arquitectónico en Suecia. Dentro da arquitectura sueca non foi un líder de estilo, máis ben un líder idealista, organizador e portavoz da profesión de arquitecto en Suecia. Formou parte do breve movemento chamado Clasicismo Nórdico, pero con vínculos coa arquitectura vernácula sueca.

Obras destacadas editar

  • Pavillón de Artes e Oficios na exposición de Gotemburgo de 1923.
  • Grandes almacéns PUB no centro de Estocolmo (1924, considerados xunto co Pavillón da exposición de Gotemburgo as súas mellores obras).
  • Vivendas de madeira para a Confederación de Sindicatos de Suecia da Academia Popular de Brunnsvik (1928), onde se aprecia as referencias á arquitectura vernácula sueca.
  • Igrexa Mälarhöjdens en Estocolmo (1929).
  • Hospital psiquiátrico Sidsjön en Subdsvallm (1939-44).
  • Clínica da Infancia en Oslo, Noruega (1946-50).
  • Hospital Universitario de Maracaibo en Venezuela (1946-54).
  • Restauración do Castelo de Gripsholm.

Premios editar

Véxase tamén editar

Bibliografía editar

  • Nordic Classicsim 1910-1930, Museum of Finnish Architecture, Helsinqui, 1982.
  • Hakon Ahlberg, 'The Dilemma of Classicism', en Sigurd Lewerentz 1885-1975, Architectural Association Publications, Londres, 1989.
  • Hakon Ahlberg, 'Alvar Aalto', en The Finnish Architectural Review, 7,8/ 1976. Arkkitehti, 7-8/1976.
  • E. Paulsson et al., Hakon Ahlberg, Arkitekt och Humanist. Byggforskningsrådet, Estocolmo, 1994.

Ligazóns externas editar