Abrir o menú principal

Haikyū!! (ハイキュー!! Haikyū!!'?) é un manga shonen xaponés escrito e ilustrado por Haruichi Furudate. Está a ser publicado na revista semanal Shūkan Shōnen Jump de Shueisha dende o 20 de febreiro de 2012.

A súa correspondente adaptación ao anime producida polo estudo Production I.G comezou a emitirse o 6 de abril do 2012, rematando en setembro do mesmo ano. A segunda tempada comezou o 3 de outubro de 2015. Ademais anunciouse unha obra de teatro e dúas películas recompilatorias. A primeira delas, prevista para o 3 de xullo, titúlase Gekijouban Haikyū!! Owari to Hajimaru. A segunda película está anunciada para o 3 de novembro, titulándose Gekijouban Haikyū!! Shosha to Haisha.

ArgumentoEditar

A historia dá comezo cando Shōyō Hinata, sendo un estudante de primaria, ve un partido de voleibol pola televisión, no cal participaba un xogador ao que Shōyō se refire como "Pequeno Xigante". Dende entón, pretende converterse en alguén como el, xa que ambos son baixos de estatura, e comeza a afeccionarse por este deporte. Shōyō logra montar o seu propio club de voleibol no seu colexio, pero é o único membro. A pesar deste problema, Shōyō non se rende e adestra como pode. Finalmente, consegue que entren ao club outros cinco membros, cos que participa no seu primeiro torneo, no cal son derrotados polo equipo favorito do campionato, ao que pertence Tobio Kageyama, que é alcumado como "O rei da cancha". Dende entón crease unha forte rivalidade entre Shōyō e Tobio. Por iso, Shōyō segue adestrando, pretendendo entrar ao club de voleibol do instituto Karasuno, no que unha vez estivo aquel xogador que tanto admiraba, o "Pequeno Xigante". Con todo, ao graduarse e entrar á preparatoria Karasuno, para gran sorpresa e irritación súa, atópase con que un dos outros aspirantes ao club de voleibol do primeiro ano é o mesmo Tobio Kageyama.

PersonaxesEditar

KarasunoEditar

Shōyō Hinata (日向 翔陽 Hinata Shōyō?)
Seiyū: Ayumu Murase[1]

Shōyō é un estudante de primeiro ano. Xoga na posición de bloqueador central. É baixo e as súas habilidades no voleibol non son moi boas. Confía na súa capacidade de salto e ten unha enorme axilidade e velocidade. Coa axuda de Kageyama, convértese nun xogador importante e pasa a ser titular no equipo. Quere chegar a ser tan forte como o Pequeno Xigante, aquel xogador ao que admira. Recibe leccións directas de parte de Bokuto Koutarou durante o campamento de adestramento en Tokyo e do Adestrador Ukai, avó de Ukai Keishin.

Tobio Kageyama (影山 飛雄 Kageyama Tobio?)
Seiyū: Kaito Ishikawa[1]

Tobio é un estudante de primeiro ano. Xoga na posición de colocador. É chamado o Rei da Cancha pola súa actitude egocéntrica e a pouca habilidade de xogar cos seus compañeiros de equipo a principios da secundaria, en Kitagawa Daiichi. Con todo, cando entra ao Karasuno a súa visión comemeza a cambiar, comprendendo a importancia de xogar en equipo e esforzándose por potenciar as habilidades dos xogadores grazas ás súas colocacións. O seu obxectivo é ser mellor colocador que Oikawa Tooru, de quen aprendeu a principios da secundaria.

Daichi Sawamura (澤村 大地 Sawamura Daichi?)
Seiyū: Satoshi Hino[2]

Sawamura é un estudante de terceiro ano e o capitán do equipo. Xoga na posición de atacante lateral, destacando tamén polas súas habilidades defensivas. É o que pon límites e modera os impulsos do resto do equipo.

Kōshi Sugawara (菅原 孝支 Sugawara Kōshi?)
Seiyū: Miyu Irino[2]

Sugawara é un estudante de terceiro ano e subcapitán do equipo. Do mesmo xeito que Kageyama, xoga como colocador, e adoitaba ser titular ata que este chegou.

Asahi Azumane (東峰 旭 Azumane Asahi?)
Seiyū: Yoshimasa Hosoya[3]

Azumane é un estudante de terceiro ano. Xoga como atacante lateral e é chamado o As/Estrela do equipo. Logo de perder contra Datekougyou nun partido frústrase e abandona temporalmente o equipo, pero volve reincorporarse tras un partido de práctica coa Asociación de Veciños de Karasuno. Parece ter mais idade e é bastante sensible para o seu aspecto.

Ryūnosuke Tanaka (田中 龍之介 Tanaka Ryūnosuke?)
Seiyū: Yū Hayashi[2]

Tanaka é un estudante de segundo ano. Xoga como atacante lateral. É moi competitivo e seguro de si mesmo. Exáltase con facilidade e pode deixarse levar pola emoción dun partido. É frecuentemente rifado por Sugawara.

Yū Nishinoya (西谷 夕 Nishinoya Yū?)
Seiyū: Nobuhiko Okamoto[3]

Nishinoya é un estudante de segundo ano. Xoga na posición de líbero. É chamado o Gardián do Karasuno, polas súas habilidades defensivas. É o xogador máis baixo do equipo e é recoñecido como un gran líbero polo seu mérito na súa anterior escola, Chidoriyama. Entrou ao Karasuno porque lle gustaba o uniforme feminino e o "gakuran" do uniforme masculino. Reintegrouse ao equipo despois do primeiro partido de práctica con Aoba Johsai pois suspenderano tras unha discusión con Asahi fronte á oficina do vicedirector.

Chikara Ennoshita (縁下 力 Ennoshita Chikara?)
Seiyū: Toshiki Masuda[4]

Ennoshita é un estudante de segundo, e aínda que non é titular no equipo recoñéceselle como o posible candidato a capitán unha vez se gradúen os de terceiro.

Hisashi Kinoshita (木下久志 Kinoshita Hisashi?)
Seiyū: Nobuyori Sagara
Kazuhito Narita (成田一仁 Narita Kazuhito?)
Seiyū: Kōtarō Nishiyama
Kei Tsukishima (月島 蛍 Tsukishima Kei?)
Seiyū: Kōki Uchiyama[3]

Tsukishima é un estudante de primeiro ano. Xoga como bloqueador central. Non confía nas habilidades de Shōyō, e métese con Tobio lembrándolle o seu sobrenome. Kuroo Tetsurou e Akaashi Keiji axúdanlle a mellorar as súas habilidades de bloqueo durante o campamento de adestramento en Tokyo.

Tadashi Yamaguchi (山口 忠 Yamaguchi Tadashi?)
Seiyū: Sōma Saitō[3]

Yamaguchi é un estudante de primeiro ano. Xoga como bloqueador central. El e Tsukishima son mellores amigos, e coñécense dende a primaria. Grazas a Makoto Shimada (Shimada Mart) aprende a utilizar o saque flotante, converténdose na súa arma de ataque.

Aoba JohsaiEditar

Tōru Oikawa (及川 徹 Oikawa Tōru?)
Seiyū: Daisuke Namikawa[4]

Oikawa é un estudante de terceiro ano, e xoga como colocador ademais de ser o capitán do equipo. É recoñecido como o mellor colocador da prefectura. Foi observándoo como Kageyama aprendeu a ser colocador.

Issei Matsukawa (松川一静 Matsukawa Issei?)
Seiyū: Isamu Yūsen

Matsukawa é un estudante de terceiro ano e xoga como bloqueador central.

Takahiro Hanamaki (花巻貴大 Hanamaki Takahiro?)
Seiyū: Tōru Sakurai

Hanamaki é un estudante de terceiro ano e xoga como atacante lateral.

Hajime Iwaizumi (岩泉一 Iwaizumi Hajime?)
Seiyū: Hiroyuki Yoshino

Iwaizumi é o subcapitán do equipo. Xoga como atacante lateral e vai en terceiro ano. É chamado o as do equipo e é o mellor amigo de Oikawa dende que eran nenos. Adoita golpear moito a Oikawa para baixarlle os fumes da cabeza.

Shinji Watari (渡 親治 Watari Shinji?)
Seiyū: Arthur Lounsbery

Watari é un estudante de segundo ano e xoga como libero.

Shigeru Yahaba (矢巾 秀 Yahaba Shigeru?)
Seiyū: Kengo Kawanishi

Yahaba é o colocador do equipo e vai a segundo ano.

Yūtarō Kindaichi (金田一 勇太郎 Kindaichi Yūtarō?)
Seiyū: Makoto Furukawa

Kindaichi é un estudante de primeiro e un bloqueador central. Estaba no anterior equipo de Kageyama, a principios de secundaria.

Akira Kunimi (国見 英 Kunimi Akira?)
Seiyū: Atsushi Tamaru

Kunimi é un atacante lateral e vai en primeiro. Xunto con Kindaichi, estaba no mesmo equipo que Kageyama durante a secundaria baixa.

NekomaEditar

Tetsurō Kurō (黒尾 鉄朗 Kurō Tetsurō?)
Seiyū: Yūichi Nakamura (actor nacido en 1980)[5]

Kurō é un estudante de terceiro ano, é o capitán e o bloqueador central do equipo. É amigo da infancia de Kenma. El, xunto con Akaashi Keiji, de Fukurodani, axudan a Tsukishima a mellorar as súas habilidades de bloqueo durante o campamento de adestramento en Tokyo.

Nobuyuki Kai (海 信行 Kai Nobuyuki?)

Kai é un estudante de terceiro ano e subcapitán do equipo. Xoga como atacante lateral.

Morisuke Yaku (夜久 衛輔 Yaku Morisuke?)
Seiyū: Shinnosuke Tachibana[5]

Yaku é un estudante de terceiro ano. Xoga na posición de libero. Adoita rifar bastante a Lev por varios motivos, e é moi atento. Nishinoya recoñéceo como un moi bo líbero logo de xogar partidos de práctica contra o Nekoma.

Taketora Yamamoto (山本 猛虎 Yamamoto Taketora?)
Seiyū: Seigo Yokota

Yamamoto é un estudante de segundo ano. Xoga como atacante lateral. É o as do Nekoma. Do mesmo xeito que Tanaka, emociónase con bastante facilidade e déixase levar polo partido sen dificultades.

Kenma Kozume (孤爪 研磨 Kozume Kenma?)
Seiyū: Yūki Kaji[5]

Kenma é un estudante de segundo ano. É o colocador do equipo e amigo da infancia de Kurō. Non é particularmente adepto ao voleibol; prefire os videoxogos. Ten unha gran capacidade de análise e observación, e chámanlle "o cerebro do equipo" ao ser el quen articula e organiza as estratexias a seguir durante un partido.

Shōhei Fukunaga (福永 招平 Fukunaga Shōhei?)

Fukunaga é un estudante de segundo ano e o atacante lateral do equipo.

Sō Inuoka (犬岡 走 Inuoka Sō?)
Seiyū: Kyōsuke Ikeda

Inuoka é un estudante de primeiro ano, que xoga como bloqueador central.

Lev Haiba (灰羽 リエーフ Haiba Riēbu?)
Seiyū: Mark Ishii

Haiba é un estudante de primeiro ano que xoga como bloqueador central. Ten ascendencia rusa, pero naceu e criouse no Xapón. Di ser o as do equipo. As súas habilidades para o voleibol son moi malas, segundo o mesmo Kenma detalla, pero compénsao coa súa estatura e os seus bos reflexos.

Yūki Shibayama (芝山 優生 Shibayama Yūki?)

Shibayama é un estudante de primeiro e o libero do equipo.

OutrosEditar

Kiyoko Shimizu (清水 潔子 Shimizu Kiyoko?)
Seiyū: Kaori Nazuka[4]

Shimizu é unha estudante de terceiro. Os do equipo chámana a beleza do Karasuno, e é a mánager do equipo.

Yachi Hitoka (谷地 仁花 Hitoka Yachi?)
Seiyū: Sumire Morohoshi

Yachi é unha estudante de primeiro ano, e ingresa ao Karasuno como aprendiz de mánager para asumir o cargo cando Shimizu se gradúe. É de grande axuda ao momento de reunir fondos para a viaxe ao Campamento de Adestramento en Tokyo.

Yui Michimiya (道宮 結 Michimiya Yui?)
Seiyū: Asami Seto

Michimiya é unha estudante de terceiro ano e a capitá do equipo feminino de voleibol do Karasuno. Ten unha grande amizade con Daichi.

Ittetsu Takeda (武田 一鉄 Takeda Ittetsu?)
Seiyū: Hiroshi Kamiya[4]

Takeda é o profesor encargado do club de voleibol e, a pesar de non saber moito de voleibol, axuda ao equipo.

Keishin Ukai (烏養 繋心 Ukai Keishin?)
Seiyū: Kazunari Tanaka[4]

Ukai é o adestrador do equipo e axuda á súa nai na tenda. Ao principio non estaba disposto a ser o adestrador, pero Takeda convénceo ao mencionar un partido de práctica co Nekoma.

Natsu Hinata (日向 夏 Hinata Natsu?)
Seiyū: Haruka Yamazaki

É a irmá pequena de Shōyō.

Contido da obraEditar

MangaEditar

Escrito e ilustrado por Haruichi Furudate e publicado na Weekly Shōnen Jump de Shueisha dende febreiro de 2012. En decembro de 2014, a obra xa vendeu doce millóns de copias.

AnimeEditar

Unha serie para televisión foi producida polo estudio Production I.G, o 6 de abril do 2014, contando en total con 25 episodios. Nos primeiros 13 capítulos, o tema de apertura foi Imagination do grupo Spyair e o tema de peche, Tenchi Gaeshi por NICO Touches the Walls. No capítulo 14 non hai tema de apertura, pero si é usado como tema de peche o opening da segunda parte da serie, desde o episodio 15. Este opening é interpretado por Sukima Switch, titulado Ah Yeah!!. E o ending, titulado LEO e interpretado por Tacica. Ademais, conta cunha OVA proxectada no Jump Special Anime Festa 2014 a principios de novembro, o cal sería máis tarde posto á venda o 4 de marzo nunha edición limitada do tomo 15 do manga.

NotasEditar

Véxase taménEditar