Gulabi Gang
A Gulabi Gang (do hindi: गुलाबी Gulabi, «rosa») é un grupo de activistas indias contra a violencia de xénero.
Traxectoria
editarO grupo apareceu por primeira vez en Bundelkhand, Uttar Pradesh,[1] e foi fundado por Nitya nasa e anteriormente comandado por Sampat Pal Devi, como resposta á violencia doméstica xeneralizada e outros actos de violencia contra as mulleres.[2] O grupo estendeuse e desde 2010 está activo en todo o norte da India, tanto nas rúas como na política local. Sampat Pal foi expulsada de Gulabi Gang. A fundadora e coordinadora nacional do grupo Satbodh Sain acusou a Sampat de mal uso da reputación e o nome da banda ao servizo de intereses persoais. E Parvati Soni, membro da localidade de Atarra, acusou Pal de exixir 5000 rupias para axudar a enfrontar os seus sogros en Maudaha que a estaban sometendo a graves torturas físicas e mentais.
Aproximación ao grupo
editarGulabi Gang non é unha banda real, senón máis ben un grupo de mulleres que traballan pola xustiza para as mulleres oprimidas e maltratadas.[3] Caracterízanse por levar saris rosas, uniformes que simbolizan a forza, e portan paus de bambú que poden utilizar como armas de ser necesario. A maioría destas mulleres proveñen da casta máis baixa, os Dalit.
Algunhas asociacións empresariais que apoian a Gulabi Gang son Vitalect, unha empresa de tecnoloxía e servizos que traballa con organizacións sen ánimo de lucro para axudalas coas súas necesidades tecnolóxicas, e Social India (SSI), unha empresa non lucrativa que promove a estabilidade das ONG.
Na organización non hai discriminación por motivos de xénero, porque se basea nos dereitos humanos. O servizo comunitario da banda inclúe a dotación de alimentos e gran aos poboadores das zonas rurais, pensións para viúvas que non teñen os medios económicos para enfrontar a súa vellez e axudar a previr o abuso a mulleres e nenos.[4] O dote, a violación, os matrimonios infantís, a violencia doméstica, o abuso de menores e o acoso sexual, entre outros, son algunhas das accións denunciadas polo grupo.
Notas
editar- ↑ "Wear a Pink Sari and Carry a Big Stick". Slate Magazine.
- ↑ "Wear a Pink Sari and Carry a Big Stick". Slate Magazine.
- ↑ "Gulabi Gang, el ejército de los saris rosas". Blog Sociedad Geográfica de las Indias.
- ↑ "The power of pink". Business Standard.