Grand Royal
Grand Royal Records foi un selo discográfico estadounidense baseado nos Ánxeles (California), fundado en 1992 polos Beastie Boys xunto con Capitol Records despois de que o grupo deixase Def Jam Recordings.
| Grand Royal Records | |
|---|---|
| Fundado en | 1992 |
| Fundador | Beastie Boys e Capitol Records |
| Estado | defunta |
| Orixe | Estados Unidos  |
| Localización | Os Ánxeles, California |
Debido ao aumento das débedas, Grand Royal cesou as súas actividades no ano 2001. Os seus activos foron vendidos a través de poxas en Bid4Assets; estas non incluían os dereitos da música dos Beastie Boys. Os activos e o fondo de catálogo serían mercados por un grupo de seareiros que á súa vez crearon GR2 Records.
Grand Royal foi tamén o nome dunha revista escrita e publicada polo grupo. Foi famosa polo artigo "Mulling Over the Mullet"[1] (reflexionando sobre o Mullet), aparecido no seu número 2, que satirizaba o peiteado mullet (os Beastie Boys tamén gravaron un tema chamado "Mullet Head", que foi editado a través de Grand Royal no seu sinxelo de 12" "Sure Shot").
Notas editar
- ↑ "Artigo "Mulling over the Mullet"" (en inglés). Arquivado dende o orixinal o 27 de setembro de 2011. Consultado o 24 de novembro de 2011.