Gran Premio de Australia de 2014

O Gran Premio de Australia de 2014 (oficialmente 2014 Fórmula 1 Rolex Australian Grand Prix) foi unha carreira de Fórmula 1 que se celebrou o 16 de marzo de 2014 no Circuíto Albert Park en Melbourne. Será a carreira 79 na historia do Gran Premio de Australia, que remontase á 100 Miles Road Race de 1928. Foi a primeira carreira do Campionato Mundial de Fórmula 1 de 2014, e viu o debut dos novos regulamentos e a presentación dos motores de 1´6 litros turboalimentados V6 A carreira tamén conmemora o trixésimo ano de que o Gran Premio de Australia foi incorporado como unha proba do Campionato do Mundo.

Gran Premio de Australia de 2014

Nome oficial	2014 Formula 1 Rolex Australian Grand Prix
Tipo	Gran Premio de Australia
Deporte	automobilismo
Parte de	Campionato Mundial de Fórmula 1 de 2014
Distancia do evento	57
Localización  e  Datas
Localización	Melbourne Grand Prix Circuit (City of Port Phillip (en) ) 37°50′59″S 144°58′06″L
Lonxitude	5,278 km
País	Australia
Data	16 de marzo de 2014
Competición
Primeiro posto	Nico Rosberg
Pole position	Lewis Hamilton
Volta máis rápida	Nico Rosberg
Outro
Páxina web oficial	grandprix.com.au…

Informe

Cualificación

A apertura da sesión iniciouse en condicións de seco, pero baixo a ameaza de choiva.

Daniel Ricciardo marcou o ritmo ao principio no seu debut co Red Bull Racing, Lotus loitou desesperadamente, pero Pastor Maldonado non estableceu un tempo e Romain Grosjean cualificou nun humilde 21º posto, que se converteu en vixésimo cando Esteban Gutiérrez recibiu un castigo por cambiar a súa caixa de cambios no Sauber. Max Chilton cualificou por diante do Marussia do seu compañeiro Jules Bianchi, non acadou un lugar na Q2 por unha centésima de segundo. O piloto de Caterham Marcus Ericsson foi o último piloto eliminado na Q1, o seu compañeiro de equipo Kamui Kobayashi logrou pasar á Q2.

A choiva fixo a súa aparición na Q2, a pista mollada tomou a súa primeira vítima en Kimi Räikkönen, quen trompeou co seu Ferrari ao final da Q2. O accidente de Räikkönen interrompeu a volta de varios pilotos, entre eles Jenson Button e o actual Campión do Mundo Sebastian Vettel, tanto que o accidente de Räikkönen impediulles pasar á Q3. Máis tarde descubriuse que Vettel tamén se viu obstaculizado por problemas no motor. O Sauber de Adrian Sutil terminou o período no décimo cuarto posto, con Kamui Kobayashi décimo quinto logo de que Sergio Pérez trompeara o seu Force India na súa última volta lanzada.

A choiva intensificouse no período final, e varios pilotos saíron con pneumáticos de mollado. Os pilotos de Mercedes Lewis Hamilton e Nico Rosberg, xunto a Ricciardo, comezaron unha batalla a tres bandas pola pole que chegou ata as últimas voltas. Hamilton impúxose, con Ricciardo segundo. Rosberg partiu terceiro, xunto a Kevin Magnussen, quen cualificou o seu McLaren cuarto no seu debut na F1. Despois do accidente na Q2 Räikkönen quedou 12º, Fernando Alonso deu deu a Ferrari un bo resultado cando logrou o quinto posto logo de facer unha elección de pneumáticos equivocada ao principio do período e comezou xunto ao Toro Rosso de Jean-Eric Vergne. O Force India de Nico Hülkenberg e o debutante Daniil Kvyat ocuparon a seguinte fila da grella, por diante dos Williams de Felipe Massa e Valtteri Bottas, quen, do mesmo xeito que Gutiérrez, foi sancionado con cinco lugares por cambiar a caixa de cambios. Para Williams, foi a primeira vez desde o Gran Premio de Hungría de 2012 que os dous coches chegaron á Q3.

Carreira

A carreira comezou as 17:00, hora local. Os pilotos de Marussia Max Chilton e Jules Bianchi quedaron parados na grella no comezo da volta de formación e comezaron a carreira desde o pit lane xunto a Romain Grosjean que foi sancionado por saír do garaxe antes do sinal de 15 minutos. Segundos despois da saída, Felipe Massa e Kamui Kobayashi chocaron na primeira curva, quedando ambos fóra da carreira.

Nico Rosberg liderou desde a primeira curva malia que Lewis Hamilton partía desde a pole. Durante as primeiras cinco voltas da carreira, Hamilton e Sebastian Vettel, retiráronse, ambos con problemas no motor. Rosberg dominante, gañou a carreira con case vinte e cinco segundos de vantaxe, logrando o seu primeiro triunfo desde o Gran Premio do Reino Unido de 2013. Daniel Ricciardo acadou o segundo posto diante do seu público, converténdose no primeiro piloto de F1 de Australia en terminar no podio na súa carreira de casa nunha carreira do campionato do mundo. John Smith terminou no podio en 1983, pero nese momento, aínda non era unha carreira oficial do campionato mundial de Fórmula Un. Kevin Magnussen terminou terceiro, dous segundos por detrás de Ricciardo. É o primeiro debutante na F1 que logra un podio na súa primeira carreira desde que o fixera Lewis Hamilton no Gran Premio de Australia de 2007 sete anos antes. Coincidentemente, Hamilton e Magnussen terminaron terceiro e correndo para McLaren.

Cuarto foi compañeiro de equipo de Magnussen Jenson Button, que terminou medio minuto detrás de Rosberg, seguido de Fernando Alonso quinto, Valtteri Bottas sexto, Nico Hülkenberg sétimo, Kimi Raikkonen nu decepcionante oitavo posto malia gañar a carreira un ano antes, os dous Toro Rosso de Jean-Eric Vergne e do debutante Daniil Kvyat foron noveno e décimo respectivamente. Daniil Kvyat convértese no piloto máis novo en puntuar, superando o anterior récord de Sebastian Vettel.

Post carreira

Daniel Ricciardo foi descualificado dos resultados do Gran Premio de Australia. Kevin Magnussen ascendeu a segunda posición e Jenson Button ata a terceira.

Ricciardo foi descualificado por unha infracción do artigo 5.1.4 do Regulamento Técnico da Fórmula 1, que establece que, «o consumo de combustible non debe superar os 100 kg.

Varios

Sebastian Vettel e Felipe Massa lucían cascos especiais en homenaxe á Michael Schumacher. Mercedes e Ferrari tamén levaban mensaxes de apoio a Michael nos seus coches.

Clasificación

Cualificación

Pos.	Nº	Piloto	Construtor	Q1	Q2	Q3	Grella
1	44	Lewis Hamilton	Mercedes	1:31.699	1:42.890	1:44.231	1
2	3	Daniel Ricciardo	Red Bull-Renault	1:30.775	1:42.295	1:44.548	2
3	6	Nico Rosberg	Mercedes	1:32.564	1:42.264	1:44.595	3
4	20	Kevin Magnussen	McLaren-Mercedes	1:30.949	1:43.247	1:45.745	4
5	14	Fernando Alonso	Ferrari	1:31.388	1:42.805	1:45.819	5
6	25	Jean-Eric Vergne	Toro Rosso-Renault	1:33.488	1:43.849	1:45.864	6
7	27	Nico Hülkenberg	Force India-Mercedes	1:33.893	1:43.658	1:46.030	7
8	26	Daniil Kvyat	Toro Rosso-Renault	1:33.777	1:44.331	1:47.368	8
9	19	Felipe Massa	Williams-Mercedes	1:31.228	1:44.242	1:48.079	9
10	77	Valtteri Bottas	Williams-Mercedes	1:31.601	1:43.852	1:48.147	15
11	22	Jenson Button	McLaren-Mercedes	1:31.396	1:44.437		10
12	7	Kimi Räikkönen	Ferrari	1:32.439	1:44.494		11
13	1	Sebastian Vettel	Red Bull-Renault	1:31.931	1:44.688		12
14	99	Adrian Sutil	Sauber-Ferrari	1:33.673	1:45.655		13
15	10	Kamui Kobayashi	Caterham-Renault	1:34.274	1:45.867		14
16	11	Sergio Pérez	Force India-Mercedes	1:34.141	1:47.293		16
17	4	Max Chilton	Marussia-Ferrari	1:34.293			17
18	17	Jules Bianchi	Marussia-Ferrari	1:34.794			18
19	21	Esteban Gutiérrez	Sauber-Ferrari	1:35.117			21
20	9	Marcus Ericsson	Caterham-Renault	1:35.157			19
21	8	Romain Grosjean	Lotus-Renault	1:36.993			20
107% tempo: 1:37.129
22	13	Pastor Maldonado	Lotus-Renault	Sen tempo			22
Fonte:

Carreira

Pos.	Nº	Piloto	Construtor	Voltas	Tempo/Retirada	Grella	Puntos
1	6	Nico Rosberg	Mercedes	57	1:32:58.710	3	25
2	20	Kevin Magnussen	McLaren-Mercedes	57	+26.777	4	18
3	22	Jenson Button	McLaren-Mercedes	57	+30.027	10	15
4	14	Fernando Alonso	Ferrari	57	+35.284	5	12
5	77	Valtteri Bottas	Williams-Mercedes	57	+47.639	15	10
6	27	Nico Hülkenberg	Force India-Mercedes	57	+50.718	7	8
7	7	Kimi Räikkönen	Ferrari	57	+57.675	11	6
8	25	Jean-Eric Vergne	Toro Rosso-Renault	57	+1:00.441	6	4
9	26	Daniil Kvyat	Toro Rosso-Renault	57	+1:03.585	8	2
10	11	Sergio Pérez	Force India-Mercedes	57	+1:25.916	16	1
11	99	Adrian Sutil	Sauber-Ferrari	56	+1 volta	13
12	21	Esteban Gutiérrez	Sauber-Ferrari	56	+1 volta	21
13	4	Max Chilton	Marussia-Ferrari	55	+2 voltas	17
NC	17	Jules Bianchi	Marussia-Ferrari	49	+8 voltas	18
Ret	8	Romain Grosjean	Lotus-Renault	43	Unidade de potencia	20
Ret	13	Pastor Maldonado	Lotus-Renault	29	Unidade de potencia	22
Ret	9	Marcus Ericsson	Caterham-Renault	27	Presión aceite	19
Ret	1	Sebastian Vettel	Red Bull-Renault	3	Motor	12
Ret	44	Lewis Hamilton	Mercedes	2	Motor	1
Ret	19	Felipe Massa	Williams-Mercedes	0	Colisión	9
Ret	10	Kamui Kobayashi	Caterham-Renault	0	Colisión	14
DSC	3	Daniel Ricciardo	Red Bull-Renault	57	Descualificado	2
Fonte:

Posicións logo da carreira

Clasificación no campionato de pilotos

Pos.	Piloto	Puntos
1	Nico Rosberg	25
2	Kevin Magnussen	18
3	Jenson Button	15
4	Fernando Alonso	12
5	Valtteri Bottas	10

Clasificación do campionato de construtores

Pos.	Construtor	Puntos
1	McLaren-Mercedes	33
2	Mercedes	25
3	Ferrari	18
4	Williams-Mercedes	10
5	Force India-Mercedes	9

• Nota: Só están incluídos os cinco primeiros postos en ambos os grupos de clasificación.

Véxase tamén

Ligazóns externas

• Páxina oficial

Carreira anterior: Gran Premio do Brasil de 2013	Campionato Mundial de Fórmula 1 da FIA Temporada 2014	Carreira seguinte: Gran Premio de Malaisia de 2014
Carreira anterior: Gran Premio de Australia de 2013	Gran Premio de Australia	Carreira seguinte: Gran Premio de Australia de 2015