Gran Hotel (serie de televisión)

Para outras páxinas con títulos homónimos véxase: Gran Hotel.

Gran Hotel foi unha serie de televisión dramática e de misterio producida pola galega Bambú Producciones para a súa emisión en Antena 3. A serie estreouse o 4 de outubro de 2011 e acabou o 25 de xuño de 2013. Está protagonizada, entre outros, por Yon González e Amaia Salamanca. Rodouse en diferentes puntos de Santander, especialmente no Palacio da Magdalena, que foi o principal escenario da serie. A serie estreouse superando os 3,7 millóns de espectadores e o 20% de share, e foi a mellor estrea da tempada.

Gran Hotel
O Palacio da Magdalena, edificio que dá vida ao 'Gran Hotel' da serie.
Xénero	Drama de época
Creado por	Ramón Campos Gema R. Neira
Intérpretes	Amaia Salamanca Yon González Concha Velasco Eloy Azorín Adriana Ozores Luz Valdenebro Fele Martínez Paula Prendes Marta Larralde Pedro Alonso Llorenç González Asunción Balaguer Manuel de Blas
País de orixe	España
Episodios	39
Produción
Produtor(es) executivo(s)	Ramón Campos Teresa Fernández-Valdés
Duración	80 min aprox.
Emisión orixinal
Canle de orixe	Antena 3
Primeiro episodio	4 de outubro de 2011
Derradeiro episodio	25 de xuño de 2013
Na rede
https://www.antena3.com/series/gran-hotel/ e https://mediasetinfinity.mediaset.it/fiction/grandhotel-intrighiepassioni_SE000000001390
[ editar datos en Wikidata ]

A segunda tempada da serie empezou a gravarse en xaneiro de 2012 e comezou a emitirse o 3 de outubro de 2012. Consta de 8 episodios e incorporáronse os actores Juan Luis Galiardo, Silvia Marsó, Andrea Trepat, Marian Arahuetas, Alfonso Bassave e Víctor Clavijo.

A terceira tempada estreouse o 22 de xaneiro de 2013, e para ela incorporáronse grandes nomes da ficción española: Lydia Bosch (que xa aparecía nos capítulos finais da segunda tempada), Lluís Homar, Megan Montaner e Marta Hazas. O 19 de marzo de 2013 estreouse unha nova quenda de episodios, pero pertencentes á terceira tempada. O 25 de xuño emitiuse o último capítulo.

Argumento

1ª tempada

Os acontecementos transcorren en 1905. Julio Olmedo (Yon González), un mozo de orixe humilde, chega ata o idílico Gran Hotel, situado nos arrabaldes dunha vila chamada Cantaloa, para visitar a irmá, Cristina (Paula Prendes), que traballa no hotel como encargada de piso. Alí descubrirá que hai máis dun mes que ninguén sabe nada da súa irmá (despois de que a botasen fóra do hotel por, supostamente, roubarlle a un cliente). Julio decide quedar como camareiro e investigar a desaparición da irmá. No Gran Hotel irá coñecendo o persoal e forxará unha relación con Alicia Alarcón (Amaia Salamanca), unha das fillas de dona Teresa (Adriana Ozores), a propietaria do hotel. Alicia axudarao nas súas pescudas, a canda Andrés (Llorenç González), outro humilde camareiro fillo da gobernanta do hotel (Concha Velasco) con quen xurdirá unha grande amizade. Julio e Alicia namoran tolamente e viven un amor apaixonado, aínda que tamén imposible pola diferenza de clases. Xuntos irán descubrindo mentiras e segredos ben gardados entre as paredes do Gran Hotel.

2ª tempada

Tres meses logo da voda entre Alicia (Amaia Salamanca) e Diego (Pedro Alonso), e do intento de asasinato de Andrés (Llorenç González), os recentemente casados regresan ao Gran Hotel trala lúa de mel en París. Ao volver ao hotel, Alicia descobre que Julio (Yon González) segue a traballar no Gran Hotel, pois quedou a investigar quen quixo asasinar a Andrés: a partir dese momento, a moza empeza a revivir o amor que sentía por Julio e que cría perdido. Malia o amor rexurdir entre os dous, agora a situación é moito máis perigosa. Diego é ciumento e intelixente e, en canto sospeite que a súa muller sente algo por outro home, vai ver de acabar con el como sexa. Pese a iso, Alicia axuda a Julio na súa pescuda. As investigacións da parella vanse complicando coa aparición de sucesivos sospeitosos. A este misterio axiña se lle cruza outro meirande: a morte de don Carlos Alarcón (Jordi Bosch), o pai de Alicia e anterior dono do hotel. A verdade oficial, que Don Carlos morreu por causas naturais, axiña se revela nunha grande farsa. Julio agora non só ten que protexer a Andrés, senón tamén descubrir os segredos do pasado da familia Alarcón. Doutra banda, Belén (Marta Larralde) está a piques de dar a luz, o que significa que pronto nacerá o inexistente fillo de Sofía (Luz Valdenebro) e Alfredo (Fele Martínez).

3ª tempada

Tras descubrir o anónimo que acusa a Alicia (Amaia Salamanca) de enganalo, Diego (Pedro Alonso) segue obsesionado con saber con quen lle é infiel a súa esposa. Mentres, a moza segue investigando a morte do seu pai co fin de saber toda a verdade, aínda que a nai, dona Teresa (Adriana Ozores), advírtelle que se descubrise a verdade non sería capaz de soportala. Doutra banda, Sofía (Luz Valdenebro) intentará conseguir o perdón de Alfredo (Fele Martínez) e volver achegarse a el, pero non o conseguirá facilmente. Ademais, Belén (Marta Larralde), quen todo o mundo cría excluída para sempre do Gran Hotel, volverá tras un cambio sorprendente, mentres don Ernesto (Juan Luis Galiardo) abandona o hotel para sempre, deixando unha inmensa tristeza en Ángela (Concha Velasco), quen garda un gran segredo que non tardará en ser revelado ante todos. De feito, o actor Juan Luis Galiardo finaría pouco despois.

Repartimento

Personaxe	Actor/Actriz	Descrición
Julio Olmedo	Yon González	Camareiro do hotel.
Alicia Alarcón	Amaia Salamanca	Filla de dona Teresa.
Ángela	Concha Velasco	Gobernanta do hotel, nai de Andrés.
Javier Alarcón	Eloy Azorín	Único fillo de dona Teresa.
Teresa Aldecoa	Adriana Ozores	Matriarca, viúva de don Carlos Alarcón.
Sofía Alarcón	Luz Valdenebro	Filla máis vella de Doña Teresa.
Alfredo Vergara	Fele Martínez	Home de Sofía Alarcón, fillo do Marqués de Vergara.
Belén	Marta Larralde	Doncela.
Andrés	Llorenç González	Camareiro, fillo de Ángela e Gabriel.
Diego Murquía / Adrián Vera	Pedro Alonso	Esposo de Alicia Alarcón.
Ayala	Pep Antón Muñoz	Detective e psiquiatra de profesión.
Hernando	Antonio Reyes
Maite	Megan Montaner	Avogada, amiga de Alicia Alarcón.
Jesús Cisneros / Samuel Arriaga	Lluís Homar	Maître.
Lady	Asunción Balaguer	Hóspede permanente do hotel.
Marquesa de Vergara	Kiti Manver	Marquesa de Vergara, nai de Alfredo Vergara.
Natalia	Raquel Sierra	Doncela.
Beatriz	Vanessa Rius	Doncela.
Inés	Paula Ovejero	Doncela.
Xuíz Barreda	Pedro Miguel Martínez	Xuíz.
Benjamín	Manuel de Blas	Maître, o empregado perfecto.
Sebastián	Iván Morales	Dono do negocio de apostas ilegais.
Cristina Olmedo	Paula Prendes	Irmá desaparecida de Julio, antiga encargada de planta do Gran Hotel.
Pascual	Alejandro Cano	Recepcionista.
Victoria	Ana Ruiz
Eugenia	Inma Cuevas
Mercedes	Patricia Delgado
Dorotea	Marta Poveda
Catalina	Elena Tarrats
Ernesto	Juan Luis Galiardo	Maître.
Isabel	Mariam Arahuetes

Escenarios

Vista de Patones, o pobo da Comunidade de Madrid que dá vida a Cantaloa.

Os feitos suceden nun hotel, chamado Gran Hotel, que se sitúa nos arrabaldos do ficcional concello de Cantaloa. A serie gravouse principalmente na península da Magdalena, en Santander. O palacio da Magdalena dálle vida na serie ao idílico hotel, e este é o principal escenario onde transcorren a maioría dos feitos. Ademais, tamén se gravan secuencias tanto nos arredores do palacio, nos prados, nos bosques ou nas praias da península.

A vila que inspira a Cantaloa é unha aldea situada na serra de Madrid chamada Patones de Arriba.

Equipo técnico

Os galegos Ramón Campos e Teresa Fernández-Valdés, daquela socios de Bambú Producciones, estiveron detrás da produción executiva desta serie, para a que reuniron de novo o equipo creador dos seus principais éxitos: o director Carlos Sedes, o director de fotografía Jacobo Martín, o músico Federico Jusid e os guionistas Gema R. Neira e Eligio R. Montero. Gran Hotel contou con Juan Luna como asesor histórico, que é conservador xefe do Museo do Prado.

Capítulos e audiencias

Capítulo	Nome	Data de emisión	Espectadores	Share
PRIMEIRA TEMPADA
01	La doncella en el estanque	4 de outubro de 2011	3 719 000	20,0%
02	El anónimo	11 de outubro de 2011	3 477 000	19,7%
03	El cuchillo de oro	18 de outubro de 2011	3 401 000	18,6%
04	La casa abandonada	25 de outubro de 2011	3 302 000	17,8%
05	Luna de sangre	1 de novembro de 2011	3 412 000	18,6%
06	La joya desaparecida	8 de novembro de 2011	3 284 000	17,9%
07	La carta robada	22 de novembro de 2011	3 562 000	19,0%
08	La sangre de la doncella	29 de novembro de 2011	2 963 000	16,2%
09	La huella	6 de decembro de 2011	3 443 000	19,1%
SEGUNDA TEMPADA
10	Luces y sombras	3 de outubro de 2012	2 823 000	14,7%
11	Un llanto en la noche	10 de outubro de 2012	3 095 000	15,9%
12	El secreto	17 de outubro de 2012	2 822 000	14,6%
13	Retorno al pasado	24 de outubro de 2012	2 662 000	13,6%
14	Cecilia	31 de outubro de 2012	2 298 000	12,9%
15	El aniversario	7 de novembro de 2012	2 904 000	15,4%
16	El bautizo	14 de novembro de 2012	2 902 000	15,2%
17	El camarógrafo	21 de novembro de 2012	2 940 000	15,5%
TERCEIRA TEMPADA
18	Baile de máscaras	22 de xaneiro de 2013	2 626 000	14,2%
19	Propósito de enmienda	29 de xaneiro de 2013	2 784 000	14,5%
20	El secuestro	29 de xaneiro de 2013	2 617 000	13,7%
21	Álbum de familia	29 de xaneiro de 2013	2 742 000	14,2%
22	El juego de las apariencias	29 de xaneiro de 2013	2 747 000	14,2%
23	Lazos de sangre	29 de xaneiro de 2013	2 513 000	13,9%
24	El círculo del mediodía	5 de marzo de 2013	2 578 000	14,0%
25	La última noche	12 de marzo de 2013	2 733 000	14,5%
26	El primer día	19 de marzo de 2013	2 720 000	15,0%
27	Valtejar	2 de abril de 2013	2 711 000	13,8%
28	La venta	9 de abril de 2013	2 608 000	13,7%
29	El Torreón	16 de abril de 2013	2 691 000	14,4%
30	Nobleza obliga	23 de abril de 2013	2 705 000	14,4%
31	La subasta	30 de abril de 2013	2 541 000	13,1%
32	La variante del dragón	7 de maio de 2013	2 602 000	13,8%
33	El enemigo en casa	14 de maio de 2013	2 509 000	13,6%
34	El escarmiento	21 de maio de 2013	2 517 000	13,1%
35	La ejecución	28 de maio de 2013	2 615 000	13,4%
36	La salud de los difuntos	4 de xuño de 2013	2 660 000	13,9%
37	Revancha	11 de xuño de 2013	2 569 000	13,7%
38	El sacrificio	18 de xuño de 2013	2 705 000	13,7%
39	Cólera	25 de xuño de 2013	2 625 000	14,9%

Estreas internacionais

Gran Hotel emitiuse en varios países, dobrándose aos diferentes idiomas.

País	Cadea	Data da estrea	Título
Francia	Téva M6	1 de xuño de 2012 4 de xullo de 2012	Grand Hôtel
Lituania	LNK	8 de xuño de 2013	Viešbutis "Grand Hotel"
Reino Unido	3.TV	13 de xuño de 2012	Grand Hotel
Rusia	Domashniy	11 de xuño de 2012	Гранд отель
Turquía	Sinema TV Aksiyon	1 de abril de 2013	Grand Hotel

Galardóns e nomeamentos

Premios Ondas

Ano	Categoría	Premiado	Resultado
2012	Mellor intérprete feminina en ficción nacional	Concha Velasco	Gañadora

Premios Iris

Ano	Categoría	Premiado	Resultado
2011	Mellor programa de ficción		Nomeado
	Mellor actriz	Concha Velasco	Gañadora
	Mellor director de fotografía e iluminador	Jacobo Martínez	Gañador
	Mellor director de arte e escenografía	Carlos de Dorremochea	Gañador
	Mellor maquillaxe, peiteado e carecterización	Montse Boqueras e Mara Collazo	Nomeadas
2012	Mellor ficción		Nomeada
	Mellor actriz	Adriana Ozores	Gañadora
	Mellor director de arte e escenografía	Carlos de Dorremochea	Nomeado

Premios TP de Ouro

Ano	Categoría	Premiado	Resultado
2011	Mellor serie nacional		Nomeada
	Mellor actriz	Amaia Salamanca	Nomeada

Premios Fotogramas de Prata

Ano	Categoría	Premiado	Resultado
2011	Mellor actor de televisión	Yon González	Gañador
2012	Mellor actriz de televisión	Concha Velasco	Nomeada

Premios da Unión de Actores

Ano	Categoría	Premiado	Resultado
2011	Mellor actriz protagonista de televisión	Adriana Ozores	Nomeada
2012	Mellor actriz protagonista de televisión	Adriana Ozores	Gañadora
	Mellor actriz secundaria de televisión	Concha Velasco	Gañadora
		Luz Valdenebro	Nomeada

Premios Mestre Mateo

Ano	Categoría	Receptor	Resultado
2013	Mellor director	Carlos Sedes	Nomeado
	Mellor actor secundario	Pedro Alonso	Nomeado
	Mellor actriz secundaria	Marta Larralde	Nomeada
	Mellor serie de televisión	Bambú Producciones	Nomeado
	Mellor montaxe	Julia Juanatey	Nomeada

Premios Zapping

Ano	Categoría	Premiado	Resultado
2011	Mellor serie nacional		Nomeada
2012	Mellor actor	Fele Martínez	Nomeado
	Mellor actriz	Concha Velasco	Gañadora

• Festival de Televisión e Radio de Vitoria:

Ano	Categoría	Resultado
2012	Premio 'Pasión de Críticos' ao Mellor produto do ano	Gañadora

• Festival de Cine e Televisión Camiño de Santiago:

Ano	Categoría	Resultado
2013	Premio Estela á Mellor serie de televisión nacional	Gañadora

Véxase tamén

Ligazóns externas

• Sitio oficial da serie (en castelán)