Goretti Sanmartín

Goretti Sanmartín Rei, nada na Estrada o 6 de xullo de 1964, é unha filóloga, escritora e política galega. É a alcaldesa de Santiago de Compostela desde o 17 de xuño de 2023. Membro correspondente da Real Academia Galega desde 2012.

Goretti Sanmartín

(2016, PALEXCO)
Biografía
Nacemento	(es) Goretti Sanmartín Rei 6 de xullo de 1964 (59 anos) A Estrada, España
Alcaldesa de Santiago de Compostela
17 de xuño de 2023 – ← Xosé Antonio Sánchez Bugallo Electo en: Eleccións municipais de España de 2023
Concelleira do Concello de Santiago de Compostela
2023 – Electo en: Eleccións municipais de España de 2023
Concelleira do Concello de Santiago de Compostela
2019 – 2023 Electo en: 2019 Spanish local elections (en)
Concelleira do Concello de Santiago de Compostela
2015 – 2019 Electo en: Eleccións municipais de España de 2015
Datos persoais
País de nacionalidade	España
Educación	Universidade de Santiago de Compostela - Filoloxía galega Universidade da Coruña - Filoloxía galega
Actividade
Ocupación	política , filóloga
Partido político	Bloque Nacionalista Galego
Membro de	Real Academia Galega (membro correspondente) (2012–)
Lingua	Lingua castelá e lingua galega
Premios (2005)  Premio Literario Ánxel Fole

Traxectoria

Licenciada e doutora en Filoloxía Galego-Portuguesa, é profesora titular de Filoloxía Galega da Universidade da Coruña. As súas liñas de investigación céntranse na formación da lingua literaria galega durante o século XIX e sobre a época das Irmandades da Fala.

É membro do Consello de Redacción da Revista Galega de Filoloxía e foi Directora do Servizo de Normalización Lingüística da Universidade da Coruña entre o 2004 e o 2006.

En 2012 foi elixida responsable do BNG de Santiago de Compostela e dende 2013 é secretaria de Implantanción e Estratexia Municipal do BNG.

Formou parte das listas do BNG ao concello de Santiago nas eleccións municipais do ano 2015, como número dous, saíndo elixida concelleira. Tras o pacto de goberno acadado entre PSdeG-PSOE e BNG para a Deputación da Coruña, foi elixida Vicepresidenta e Voceira do ente provincial. No ano 2019 preséntase como número 1 polo Bloque Nacionalista Galego ao Concello de Santiago de Compostela, saíndo elixida tras obter 2 escanos. Ademais abandona a vicepresidencia da Deputación da Coruña. Nas Eleccións municipais de 2023 recunca como candidata do Bloque Nacionalista Galego á alcaldía do Concello de Santiago de Compostela obtendo 6 edís, polo que foi elixida alcaldesa co apoio dos concelleiros do PSdeG-PSOE e de Compostela Aberta.

Predecesor: Xosé Sánchez Bugallo

Alcaldesa de Santiago  2023 - actualidade

Sucesor: no cargo

Obras

Ensaio

• Lendo nas marxes. Lingua e compromiso nos paratextos (1863-1936), 2002.
• Os (pre)textos galegos (1863-1936), 2002, Sotelo Blanco.
• Nos camiños do entusiasmo, 2009, Xerais.
• Consideracións sobre a decadencia e a rehabilitación da lingua galega. Homenaxe a Manuel García Blanco, 2012, Universidade da Coruña.

Edición

• O Teatro de Xan da Cova: La Galiciana e María Pita, 2002, Universidade da Coruña.
• A Virxe do Cristal. Lenda de Curros Enríquez axeitada para a ópera, de Ramón Cabanillas, 2002, Universidade da Coruña.

Obras colectivas

• A lingua literaria galega no século XIX, 2005, Universidade da Coruña.
• Criterios para o uso da lingua, 2006, Universidade da Coruña.
• Nicomedes Pastor Díaz, unha existencia exemplar, de Ramón Villar Ponte, 2006, Fundación Caixa Galicia.
• Textos filosófico-políticos de Ramón Vilar Ponte. Volume I, 2006, Deputación de Lugo.
• Sobre a calidade da nosa lingua, 2007, Universidade da Coruña.
• Lingua e futuro, 2010, Laiovento.
• Unha outra guía para a intervención lingüística, 2011, Universidade da Coruña.
• Modelos de lingua e compromiso, 2014, Baía.

Premios

• XIX Premio Literario Ánxel Fole.

Véxase tamén

Ligazóns externas

• Páxina persoal na Universidade da CoruñaArquivado 29 de xuño de 2012 en Wayback Machine.
• Ficha da autora en Xerais