Gonzalo Vázquez Pozo

Gonzalo Vázquez Pozo, nado en Viveiro o 29 de novembro de 1945, é un profesor, político e editor galego.

Gonzalo Vázquez Pozo
Nacemento29 de novembro de 1945
 Viveiro
NacionalidadeEspaña
Ocupaciónprofesor, político e editor
PaiFrancisco Vázquez Ramudo
NaiLuz Pozo Garza
CónxuxeOlivia Rodríguez
Fillosunha
editar datos en Wikidata ]

TraxectoriaEditar

 
Documento no que Esquerda Galega pide a devolución do Pazo de Meirás, asinado en 1982 por Pura Barrio e Gonzalo Vázquez Pozo.

Fillo primoxénito de Luz Pozo Garza e Francisco Vázquez Ramudo, fixo o bacharelato como interno no Colexio Apóstolo Santiago dos Xesuítas en Teis, Vigo. É licenciado en Filosofía e Letras e MBA pola Escola de Negocios de Caixanova. Formando parte da primeira corporación democrática,[1] foi concelleiro e tenente de alcalde do Concello da Coruña de 1975 a 1983. Membro, primeiro do Partido Obreiro Galego e despois da Esquerda Galega de Camilo Nogueira Román, en setembro de 1981 organizou e participou, embarcado no Xurelo, nunha protesta contra un vertedoiro de residuos radioactivos nas costas de Galicia.[2] Xa a comezos dos anos oitenta, co tamén concelleiro Manuel Monge, empezou a traballar a prol da devolución do Pazo de Meirás.[3] Nas Eleccións ao Parlamento Europeo de 1987, como integrante do Partido Socialista Galego-Esquerda Galega, foi número dous (tras Mario Onaindia) na lista de Izquierda de los Pueblos.[4] A formación non obtivo ningún escano de eurodeputado.

En 1996, con outros catro tripulantes, fixo unha travesía oceánica nun veleiro, de Boca Chica (República Dominicana) a Ribadeo.[5]

É presidente do consello editorial de Eco, Revista do Eixo Atlántico[6] (anteriormente Eco, Revista do Arco Atlántico), publicación en lingua galega que botou a andar en 1991.[7] Foi membro da directiva da Asociación Internacional de Estudos Galegos.

En 2014 recibiu, en nome da súa nai, o Premio Laxeiro da Fundación Laxeiro, de mans do alcalde de Vigo, Abel Caballero.[8]

Vida persoalEditar

Casou coa profesora Olivia Rodríguez González que lle dedicou o seu libro Estética e teoría da cultura en Vicente Risco (2001, Galaxia).

NotasEditar

Véxase taménEditar

BibliografíaEditar

Outros artigosEditar

Ligazóns externasEditar