Golfo de Adén
O golfo de Adén ou Aden[1] atópase no océano Índico, entre o Iemen (na costa sur da Península Arábiga) e Somalia (no leste de África). Polo noroeste está conectado co Mar Vermello a través do estreito de Bab-el-Mandeb.
| Golfo de Adén | |
|---|---|
 | |
| Localización administrativa | |
| Estado |  Iemen Somalia Djibuti |
| Localización xeográfica | |
| Océano / Mar | Océano Índico |
| Continente | Asia e África |
| Xeografía | |
| Mares contiguos | Mar Vermello e mar Arábigo |
| Illas interiores | Socotra |
| Cidades ribeiregas | Adén (IEM) e Bardhere (SOM) |
| Accidentes | |
| Estreitos | Bab el-Mandeb (mar Vermello) |
| Características | |
| Lonxitude máxima | 1000 km |
| Anchura máxima | 150-440 km |
| Mapa | |
 Localización do golfo de Adén. | |
 Mapa da rexión do golfo de Adén. | |
A súa lonxitude é de 1000 km e a súa anchura varía entre 150 e 440 km. O golfo é unha vía moi importante para o transporte da produción do petróleo do Golfo Pérsico, o cal dálle unha notable importancia a nivel mundial. Ademais, encóntranse nel numerosas cantidades de peixes e corais, posto que as súas augas non foron contaminadas dun xeito apreciable. Os dous portos máis importantes están en Adén, no Iemen e en Bardhere e Bosaso, en Somalia.
Non é unha zona considerada segura, dada a inestabilidade de Somalia e a que o Iemen posúe forzas de seguranza insuficientes para a zona, existindo casos de piratería e de ataques terroristas.
Véxase tamén
editarWikimedia Commons ten máis contidos multimedia na categoría: Golfo de Adén  |
- ↑ Benigno Fernández Salgado, ed. (2004). Dicionario Galaxia de usos e dificultades da lingua galega. Editorial Galaxia. p. 1303. ISBN 9788482887524.
Aden (Iemen)