Gloria Fernández Fernández
Gloria Fernández Fernández, nada en Monforte de Lemos en 1913[1] e finada en Madrid en 1996, foi unha pintora ao óleo de paisaxes, retratos e bodegóns, galega.
| Biografía | |
|---|---|
| Nacemento | 1913  Monforte de Lemos, España |
| Morte | 1996 (82/83 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | pintora |
| Lingua | Lingua castelá |
| Familia | |
| Cónxuxe | Gumersindo Pérez Álvarez |
| Fillos | non tivo |
Traxectoria editar
Fixo a carreira de piano no Conservatorio de Madrid. En Madrid tamén asistiu ás clases de pintura de Manuel Gutiérrez Navas.[2]
Casou na igrexa monfortina da Régoa o 28 de outubro de 1940, con 27 anos de idade, con Gumersindo Pérez Álvarez, de 39 anos, avogado.
Obtivo un segundo premio na Exposición Provincial de Lugo de 1951. Gañou a Terceira Medalla no Salón de Outono de Madrid de 1963. Participou no Salón de Outono de Madrid de 1966, na Primeira Bienal Rexional de Arte de Pontevedra (1970) e na Primeira Bienal Nacional de Arte de Pontevedra (1971).
Nos anos sesenta foi un dos piares da intelectualidade de Monforte. Manuel Hermida Balado menciona a Gloria Fernández como unha das tres notables pintoras da provincia.[3]
Fixo exposicións individuais en Lugo (1963), A Coruña (1963), Ourense (1963), Vigo (1963, 1972 e 1976), Santiago de Compostela (1965) e Madrid (1969).[4]
É tía do pintor Roberto González Fernández, que lle organizou a exposición de homenaxe póstuma, Gloria Fernández para o recordo, en Monforte de Lemos de outubro a novembro do ano 2001.[5]
O Museo Provincial de Lugo ten máis de vinte cadros seus, institución que lle dedicou unha exposición retrospectiva do 8 de abril ao 4 de maio de 2008,[6] inaugurada por Antonio Veiga Outeiro,[7] que a definiu como «apaixonada, cargada de imaxinación e dunha desbordante personalidade que se apreixa nos seus cadros e que deixa ver unha vida interior intensa e forte».[8]
Notas editar
- ↑ Segundo Marco 2007, p. 164, naceu en 1918, o resto das fontes indican 1913 como ano de nacemento.
- ↑ Enciclopedia Galega Universal.
- ↑ Hermida Balado 2013.
- ↑ Marco 2007, p. 164.
- ↑ "Cerca de cuarenta alumnos de Gloria Fernández participarán en el homenaje a la pintora" La Voz de Galicia, 2/10/2001 (en castelán).
- ↑ Museo Provincial de Lugo
- ↑ "O responsable da área de Cultura inaugurou no Museo unha exposición da pintora monfortina Gloria Fernández" Deputación de Lugo, 4/12/2007.
- ↑ "La obra de Gloria Fernández, en el museo provincial". La Voz de Galicia (en castelán). 10/4/2008.
Véxase tamén editar
Bibliografía editar
- "Fernández Fernández, Gloria". Diccionario enciclopédico galego universal 27. La Voz de Galicia. 2003-2004. p. 70. ISBN 84-7680-429-6.
- "Fernández Fernández, Gloria". Dicionario biográfico de Galicia 2. Ir Indo Edicións. 2010-2011. p. 62.
- "Fernández Fernández, Gloria". Enciclopedia Galega Universal. Ir Indo. 1999-2002. ISBN 84-7680-288-9.
- Fernández Fernández, Gloria (2005). Gran Enciclopedia Galega Silverio Cañada (DVD). El Progreso. ISBN 84-87804-88-8.
- Alvarellos Iglesias, Enrique (1993). Mulleres destacadas de Galicia. Alvarellos Editora. p. 94. ISBN 84-85311-96-5.
- Carballo-Calero, M.ª V. (1969). Museo Provincial de Lugo: Catálogo de Pintura. Museo Provincial de Lugo. Depósito Legal: LU 19-69.
- Marco, Aurora (2007). Dicionario de Mulleres Galegas [Das orixes a 1975]. Edicións A Nosa Terra. p. 164. ISBN 978-84-8341-146-9.
- Hermida Balado, Manuel (2013) [1969]. Lemos: pequeña historia de un lugar con mucha historia (en castelán). ISBN 978-84-940455-1-6.
