Giacomo Barozzi da Vignola

Giacomo (ou Jacopo) Barozzi da Vignola, frecuentemente chamado simplemente Vignola (1 de outubro de 1507 - 7 de xullo de 1573) foi un dos grandes arquitectos manieristas do século XVI. As súas dúas obras mestras foron a Vila Farnese en Caprarola e a Chiesa del Gesù en Roma, nesta obra seguindo as ideas realizadas por Leone Battista Alberti en Sant'Andrea de Mantua, Vignola constrúe un templo cheo de contrastes, relaciona unha nave lonxitudinal cuberta cuha gran bóveda de canón coa planta central de gran cruceiro, non obstante as capelas laterais vense reducidas a pequenos nichos. Outro contraste manierista prodúcese na iluminación do templo: desde a luz taminizada da nave, que provén das capelas laterais, á maior escuridade do tramo que antecede ó cruceiro e, finalmente, á explosión luminosa do espazo baixo da cúpula.

Giacomo Barozzi da Vignola

Biografía
Nacemento	1 de outubro de 1507 Vignola, Italia (pt)
Morte	7 de xullo de 1573 (65 anos) Roma, Italia
Lugar de sepultura	Panteón de Roma
Actividade
Campo de traballo	Arquitectura
Lugar de traballo	Roma
Ocupación	arquitecto, escritor
Período de actividade	1520 (Gregoriano) - 1573 (Gregoriano)
Movemento	Manierismo
Alumnos	Giacomo della Porta
Influencias	Baldassare Peruzzi (pt)
Obra
Obras destacables (1568) Igrexa do Gesù
Familia
Fillos	Giacinto Barozzi
Descrito pola fonte	Biblioteca dixital BEIC Obálky knih, Pequeno Dicionario Enciclopédico de Brockhaus e Efron

Obra teórica

Como teórico publicou, no ano 1562, un tratado titulado Regola delli Cinque Ordini d'Architettura no que estudaba e sistematizaba as ordes arquitectónicas clásicas establecendo os seus módulos e proporcións canónicas e definindo, con moito detalle, as súas medidas e os sistemas xeométricos de trazado para poderen ser empregados polos seus contemporáneos. Posteriormente, escribiu Le due Regole della prospettiva, que foi publicado, postumamente, en 1583 en Roma.

Le due regole della prospettiva prattica, 1682

Obras

Entre as principais obras arquitectónicas de Vignola cóntanse:

• O Palazzo Bocchi, Boloña (1545).
• Tribuna en San Petronio, Boloña (1547/48).
• O Palazzo dei Banchi, Bologna (1565–1568).
• A Vila Giulia para o papa Xulio III., na que traballou xunto a Giorgio Vasari (1550–1555).
• A Vila Farnese en Caprarola (1559–1573).
• A Fontana Papacqua, en Soriano nel Cimino (1562).
• Vila Lante, en Bagnaia (desde 1566), cos xardíns, os xogos acuáticos e os Casini.
• O templo de Il Gesù, en Roma, igrexa-madre dos xesuítas, en cuxa fachada anticipou o camiño a seguir para as igrexas barrocas do século XVII.
• A igrexa de Sant' Andrea in Via Flaminia, en Roma, o primeiro edificio sacro con planta oval, que constitúe tamén un modelo para o barroco.